న్యూయార్క్‌లో జరిగిన వేలంలో రాక్ అండ్ రోల్ గిటారుకు రూ.2.25 కోట్లు...
సంగీత ప్రపంచంలో రాక్ అండ్ రోల్ రారాజుగా పేరు ప్రఖ్యాతలు గాంచిన అమెరికన్ సింగర్, నటుడు ఎల్విస్ ప్రెస్లీకి చెందిన గిటారు న్యూయార్క్‌లో జరిగిన వేలంలో రూ.2.25 కోట్లకు అమ్ముడుపోయి రికార్డు సృష్టిస్తోంది. 1969లో ఎల్విస్ తండ్రి దీనిని బహూకరించారు.
ఆ తర్వాత 1975లో ఓ అభిమానికి ఎల్విస్ దీన్ని బహుమతిగా ఇచ్చాడు. జూలియన్‌సంస్థ నిర్వహించిన ఇదే వేలంలో గాయకుడు మైఖేల్ జాక్సన్ కోటు రూ.1.72 కోట్లతో అత్యంత ధర పలికింది. బీటిల్స్ బ్యాండ్ సహ వ్యవస్థాపకుడు, సంగీతకళాకారుడు జాన్ లెనిన్ స్వదస్తూరితో రాసిన పాట రూ.2.38కోట్లకు అమ్ముడుపోయింది.
