పోర్న్ సైట్ల వల్లే లైంగిక నేరాలు పెరుగుతున్నాయ్ : ఎంపీ మంత్రి భూపేంద్ర సింగ్
దేశంలో లైంగిక నేరాల పెరుగుదలకు గల కారణాలను మధ్యప్రదేశ్ రాష్ట్ర హోంమంత్రి భూపేంద్ర సింగ్ వెల్లడించారు. పుట్టగొడుగుల్లా పుట్టుకొస్తున్న పోర్న్ వెబ్‌సైట్ల వల్లే లైంగిక నేరాలు పెరుగుతున్నాయని ఆయన ఆరోపించా
దేశంలో లైంగిక నేరాల పెరుగుదలకు గల కారణాలను మధ్యప్రదేశ్ రాష్ట్ర హోంమంత్రి భూపేంద్ర సింగ్ వెల్లడించారు. పుట్టగొడుగుల్లా పుట్టుకొస్తున్న పోర్న్ వెబ్‌సైట్ల వల్లే లైంగిక నేరాలు పెరుగుతున్నాయని ఆయన ఆరోపించారు. ఇదే అంశంపై ఆయన కేంద్ర ప్రభుత్వానికి ఆయన ఓ లేఖ రాశారు.
ఆ లేఖలో పన్నెండేళ్ల లోపు బాలికలపై అత్యాచారాలకు పాల్పడే రేపిస్టులను ఉరి తీయాలని కోరుతూ అసెంబ్లీలో ప్రవేశపెట్టిన బిల్లును గత నవంబరులోనే ఆమోదించామని గుర్తుచేశారు. గత నవంబరులో తమ రాష్ట్రం చేసిన తీర్మానాన్ని ఆదర్శంగా తీసుకున్న కేంద్రసర్కారు చట్టసవరణ చేయడం తమకు ఎంతో సంతోషాన్నిచ్చిందని చెప్పుకొచ్చారు.
బాలికలపై దాష్టీకాలకు పాల్పడేవారికి సమాజంలో జీవించే హక్కు లేదని, వారిని ఖచ్చితంగా ఉరి తీయాల్సిందేనని ఆయన అభిప్రాయపడ్డారు. దేశంలో పోర్న్ వెబ్‌సైట్లను తక్షణం నిషేధించాలని ఆయన లేఖలో డిమాండ్ చేశారు. ఈ వెబ్‌సైట్లు చూసి, ప్రభావితులైన యువకులు అత్యాచారం, లైంగిక వేధింపుల వంటి నేరాలకు పాల్పడుతున్నారని తమ అధ్యయనంలో తేలిందని మంత్రి భూపేంద్ర సింగ్ గుర్తుచేశారు.
