Festival Posters
✕

సర్... మీ విద్యార్హత తెలుసుకోవచ్చా? ఆనంద్ మహీంద్రాకు నెటిజన్ ప్రశ్న

Written By ఠాగూర్
Updated: మంగళవారం, 28 జూన్ 2022 (08:34 IST)
భారత పారిశ్రామిక దిగ్గజాల్లో ఒకరైన ఆనంద్‌ మహీంద్రా సోషల్ మీడియాలో ఎంతో యాక్టివ్‌గా ఉంటారు. తనకు వచ్చే ప్రతి పోస్టుకు ఆయన తప్పకుండా రీట్వీట్ రూపంలో బదులిస్తుంటారు. అంతేకాకుంకాడ కష్టాల్లో ఉన్నవారిని గుర్తించి వారికి అండగా నిలుస్తుంటారు. నెటిజన్ల పోస్టులపైనా స్పందిస్తుంటారు. 
 
ఈ క్రమంలోనే తాజాగా 'మీ క్వాలిఫికేషన్‌ తెలుసుకోవచ్చా' అని ఓ నెటిజన్‌ అడిగిన ప్రశ్నకు ఆయన తనదైన శైలిలో సమాధానం ఇచ్చారు. ఏం జరిగిందంటే.. హిమాచల్‌ప్రదేశ్‌లో పర్యటిస్తోన్న ఓ వ్యక్తి.. అక్కడి పర్వత ప్రాంతంలో ఓ చిన్నారి ఒంటరిగా కూర్చుని చదువుకుంటున్న ఫొటోను ట్విటర్‌లో పోస్ట్‌ చేసి.. ఆమె తపనను కొనియాడారు.
 
అనంతరం.. ఆనంద్‌ మహీంద్రాకూ ఆ పోస్టును ట్యాగ్‌ చేశారు. మహీంద్రా సైతం ఆమె పట్టుదలకు ముగ్ధుడై.. 'అందమైన చిత్రం ఇది. ఈ బాలిక నాకు ప్రేరణ' అని రిప్లై ఇచ్చారు. ఈ క్రమంలోనే ఓ నెటిజన్‌ 'సర్‌. మీ క్వాలిఫికేషన్‌ తెలుసుకోవచ్చా' అంటూ మహీంద్రాను ఉద్దేశించి ఆ పోస్టుపై కామెంట్‌ పెట్టారు. 
 
దానికి ఆయన బదులిస్తూ.. 'స్పష్టంగా చెప్పాలంటే, నా వయస్సులో.. ఏ యోగ్యతకైనా కేవలం అనుభవమే అర్హత' అని తెలిపారు. ఈ రిప్లై కాస్తా నెట్టింట వైరల్‌గా మారింది. ఆ ప్రశ్న అడిగిన వ్యక్తిపై మండిపడిన నెటిజన్లు.. మరోవైపు ఆనంద్‌ మహీంద్రా సమాధానంపై ప్రశంసలు కురిపించారు! 

అన్నీ చూడండి

రాజా సింగ్‌ను కలిసిన దేవి విజ్ఞానం హిందీ చిత్ర బృందం, డిసెంబర్ 4న థియేటర్లలో విడుదల

మనిషి పశువు అయితే.. జంగా గ్లింప్స్ ను విడుదల చేసిన రాంగోపాల్ వర్మ

క్యాస్టింగ్ కౌచ్.. అపుడూ వుంది.. ఇపుడూ వుంది.. బాటిళ్లలో మూత్ర విసర్జన చేశాం...: రమ్యకృష్ణ

రెండో పార్ట్ తో పాటు రీ రిలీజ్ ఐడియా విశ్వక్ సేన్ దే : సురేష్ బాబు

పూజా రెడ్డి ప్రధాన పాత్రలో లేడీ ఓరియెంటెడ్ చిత్రం వ్యూ సిద్ధమైంది

తర్వాతి కథనం
Show comments