మహిళా రోగితో అసభ్యంగా ప్రవర్తించిన వార్డ్ బాయ్ అరెస్టు
మహిళలపై అకృత్యాలు ఆగేలా లేవు. ఎక్కడ పడితే అక్కడ మహిళలకు లైంగిక వేధింపులు తప్పట్లేదు. బస్సుల్లో, ఆఫీసుల్లో, ఇళ్లల్లోనూ మహిళలపై అఘాయిత్యాలు జరుగుతూనే వున్నాయి. చివరికి చికిత్స కోసం ఆస్పత్రికి వెళ్లినా అక్కడ కూడా కామాంధులు వదిలిపెట్టట్లేదు.
తాజాగా హైదరాబాద్ నల్లకుంటలోని విద్యానగర్‌లోని ఒక ప్రైవేట్ ఆసుపత్రిలో ఒక మహిళా రోగితో వార్డు బాయ్ అసభ్యంగా ప్రవర్తించాడని ఆరోపణలు ఉన్నాయి.
35 ఏళ్ల మహిళ చికిత్స కోసం ఆసుపత్రికి వచ్చినప్పుడు ఈ సంఘటన జరిగింది. ఇతర సిబ్బంది లేని సమయంలో, వార్డు బాయ్ ఆ మహిళతో అసభ్యంగా ప్రవర్తించాడని ఆరోపించారు.
ఆ మహిళ కేకలు వేయడంతో పాటు అలారం మోగించడంతో ఆసుపత్రిలో ఉన్న తన కుటుంబ సభ్యులకు సమాచారం ఇచ్చింది. వారు వార్డ్ బాయ్‌ను పట్టుకుని కొట్టి పోలీసులకు అప్పగించారు. ఆ మహిళ కుటుంబ సభ్యులు నల్లకుంట పోలీసులకు ఫిర్యాదు చేశారు, వారు దర్యాప్తు చేస్తున్నారు.
