Dharma Sangrah
✕

ప్రియుడి సుఖం కోసమే బూస్ట్‌లో నిద్రమాత్రలు కలిపి భర్తను చంపేశా : జ్యోతి

ప్రియుడు ద్వారా శారీరకసుఖం పొందేందుకే కట్టుకున్న భర్తకు బూస్ట్‌లో నిద్రమాత్రలు కలిపి చంపేసినట్టు భర్త హత్య కేసులో ప్రధాన నిందితురాలైన భార్య జ్యోతి తెలిపింది. తనకు పెళ్లికాకముందు నుంచే కార్తీక్‌తో వివా

Written By pnr
Updated: శనివారం, 6 జనవరి 2018 (16:39 IST)
ప్రియుడు ద్వారా శారీరకసుఖం పొందేందుకే కట్టుకున్న భర్తకు బూస్ట్‌లో నిద్రమాత్రలు కలిపి చంపేసినట్టు భర్త హత్య కేసులో ప్రధాన నిందితురాలైన భార్య జ్యోతి తెలిపింది. తనకు పెళ్లికాకముందు నుంచే కార్తీక్‌తో వివాహేతర సంబంధం ఉందనీ, ఆ సంబంధాన్ని తెంచుకోలేక పెళ్లయిన తర్వాత కూడా కొనసాగించినట్టు తెలిపారు. అయితే, జీవితాంతం తన ప్రియుడితోనే ఉండాలన్న ఏకైక కారణంతో కట్టుకున్న భర్తను చంపేసినట్టు పోలీసులకు వాంగ్మూలం ఇచ్చింది. 
 
వారంక్రితం చోటుచేసుకున్న హైదరాబాద్‌ నాచారానికి చెందిన కమ్మరి నాగరాజు(40) అనే కార్పెంటర్ హత్యకు గురయ్యాడు. ఈ కేసులోని మిస్టరీని పోలీసులు ఛేదించారు. ఈ హత్యలో అతడి భార్య జ్యోతి(20) ప్రధాన నిందితురాలుకాగా, ఆమె ప్రియుడు మహాంకాళి కార్తీక్‌ సహా ఐదుగురిని పోలీసులు అరెస్టు చేశారు. ఆ తర్వాత జ్యోతి వద్ద పోలీసులు జరిపిన విచారణలో భర్తను ఏ విధంగా హత్య చేసిందో పూసగుచ్చినట్టు చెప్పుకొచ్చింది. 
 
తనకు పెళ్లికి ముందే నాచారానికే చెందిన కార్తీక్‌ అనే వ్యక్తి పరిచయం ఉందని, ఇది ప్రేమగా మారి, శారీరక సంబంధానికి దారితీసిందన్నారు. పెళ్లి జరిగాక కొన్ని రోజులు సంబంధాలు లేకుండా ఉన్నాయన్నారు. కానీ, 2 నెలల క్రితం కార్తీక్‌ సెల్‌ నంబరును తెలుసుకుని మళ్లీ సంబంధం కొనసాగించినట్టు చెప్పింది. 
 
అయితే, కార్తీక్‌తో వివాహేతర సంబంధాన్ని కొనసాగించేందుకు తన భర్త నాగరాజును అడ్డు తొలగించుకోవాలని భావించినట్టు తెలిపింది. తమ పథకంలో భాగంగా, గత నెల 30న రాత్రి భోజనం చేసిన తర్వాత భర్తకు బూస్ట్‌లో మత్తు మాత్రలు కలిపి ఇచ్చినట్టు చెప్పింది. ఆ తర్వాత మృతదేహాన్ని కార్తీక్‌, అతని స్నేహితులైన బిస్మిల్లా ఖాన్‌(నాచారం), నదియాల్‌ గౌరవ్‌ (నాచారం), సిర్రప్ప నరేశ్‌ (లాలాపేట)ను తీసుకొని కారులో యాదాద్రి భువనగిరి జిల్లా చౌటుప్పల్‌ మండలం అంకిరెడ్డి గూడెం శివారులో పడేసినట్టు వివరించింది. 
About Author
pnr
ఠాగూర్ పులపాక ప్రముఖ దినపత్రిక ఈనాడు, చెన్నై కార్యాలయంలో 'న్యూస్ కాంట్రిబ్యూటర్‌'గా జర్నలిజం ఓనమాలు నేర్చుకున్నారు. హైదరాబాద్ కార్యాలయంలో 'ఆంధ్రజ్యోతి' సబ్-ఎడిటర్ పని చేశారు. 2007 నుంచి 'వెబ్ దునియా'లో అసిస్టెంట్ ఎడిటర్‌‌గా విధులు నిర్వహిస్తున్నారు..... Read More

అన్నీ చూడండి

Allu Arjun: రెండు లక్షల మందితో పాట్నాలో పుష్ప 2’ కార్యక్రమానికి రెండేళ్లు

Rashmika: మైసా నుంచి విలువైన బంధాన్ని సెలబ్రేట్ చేసే మెలోడీ ఏనాటి వరమో నువ్వు రిలీజ్

Schola : డ్రగ్ మాఫియా నేపథ్యంతో స్కాలర్ సినిమా ఫస్ట్ లుక్

Suman: కాంతారావుగారి మాట ప్రకారం ఆ తప్పు చేయలేదు - హీరో సుమన్

Madura Audio: నీకై పరుగిడి పార్థు, వెంకటలక్ష్మిల ప్రణయగీతం

తర్వాతి కథనం
Show comments