ఎవరి సొత్తో లాక్కెళుతున్నట్లు ఎందుకంత భయం... రాజేంద్రప్రసాద్
సేవ చేసేందుకు మా అధ్యక్ష పదవిని కోరుకుంటుంటే చాలామంది తామెవరిదో సొత్తు లాక్కెళ్లిపోతున్నట్లు భయపడిపోతున్నారంటూ మా అధ్యక్ష పదవికి పోటీ చేస్తున్న రాజేంద్రప్రసాద్ అన్నారు. శుక్రవారం నటి జయసుధ మీడియా సమావేశంలో చేసిన వ్యాఖ్యలపై ఆయన ఓ ప్రైవేట్ చానల్ లో స్పందించారు.
నెల రోజుల కిందట తాను మా అధ్యక్ష పదవికి పోటీ చేయబోతున్నట్లు తాను ప్రకటించిన సంగతి గుర్తు చేశారు. తనను మా అధ్యక్షునిగా ఎన్నుకుంటే సభ్యుల కోసం ఏమేమి చేస్తానో తెలియజెప్పాననీ, కానీ ఇపుడు ఆ విషయాలనే తిరిగి వారు చెపుతుంటే ఆశ్చర్యం కలుగుతోందన్నారు. తనను ఎన్నుకుంటే 150 మంది పేద కళాకారులకు ఇన్సూరెన్స్ చేయిస్తానని చెప్పినట్లు గుర్తు చేశారు.
