చచ్చిన పామును ఎన్నిసార్లు చంపుతారంటున్న హీరో
మెగా కుటుంబం నుంచి తెరంగేట్రం చేసిన హీరో సాయిధరమ్ తేజ్. చేసిన సినిమాలు ఆరుకి పైగానే ఉన్నా హిట్ల గురించి పెద్దగా చెప్పనవసరం లేదు. చిత్రలహరి, ప్రతిరోజు పండుగే సినిమాలు సాయిధరమ్ తేజ్‌కు కాస్త కలిసొచ్చాయి. మిగిలిన సినిమాల గురించి చెప్పనవసరం లేదు.
మెగా ఫ్యామిలీ నుంచి కాబట్టి అన్నీ హిట్లు వస్తాయని తాను అనుకోవడం లేదని సాయిధరమ్ తేజ్ ఎన్నోసార్లు చెప్పాడు. సినిమా విజయం, అపజయం అనేది ప్రేక్షకుల చేతుల్లోనే ఉంటుందని... మంచి కథ ఉంటే ఖచ్చితంగా ప్రేక్షకులు ఆదరిస్తారని చెప్పాడు. అయితే సాయిధరమ్ తేజ్ సుప్రీమ్, సుబ్రమణ్యం ఫర్ సేల్ లాంటి సినిమాలు తీసేటప్పుడు తిక్క అనే సినిమాను ఒప్పుకున్నాడు.
ఆ రెండు సినిమా షూటింగ్‌లు జరిగేటప్పుడే ఈ సినిమా షూటింగ్ చేయడం ప్రారంభించాడు. అయితే ఆ సినిమా కాస్త మొదటగానే పూర్తయ్యింది. కానీ హిట్ మాత్రం కాలేదు. భారీ ఫ్లాప్ అయ్యింది. దీంతో సాయిధరమ్ తేజ్ పూర్తిగా డిప్రెషన్ లోకి వెళ్ళిపోయాడు. ఆ సినిమా ఫ్లాప్ నుంచి బయటకు రావడానికి సాయికి చాలా సమయం పట్టింది.
అయితే అదంతా పూర్తిగా మర్చిపోయి ప్రతిరోజు పండుగ సినిమా విజయవంతంపై సంతోషంగా ఉంటూ మరో సినిమాకు రెడీ అవుతున్న సమయంలో కరోనా వచ్చిపడింది. ప్రస్తుతం ఒక ఛానల్ తిక్క సినిమాను పదేపదే టెలికాస్ట్ చేస్తోందట. ఇది కాస్త చూసిన సాయిధరమ్ తేజ్ మళ్ళీ డిప్రెషన్ లోకి వెళ్ళిపోయాడట.
ఫెయిలైన సినిమాను ఇన్నిసార్లు ప్రేక్షకులకు చూపించడం అవసరమా అంటూ కోపంతో ఉన్నాడట సాయిధరమ్ తేజ్. ఎప్పుడు కరోనా మహమ్మారి పోతుందో.. మళ్ళీ సినిమా షూటింగ్‌కు ఎప్పుడు వెళదామా అని సాయిధరమ్ తేజ్ కాచుకు కూర్చున్నాడట.
