Biodata Maker
✕

ఇమ్రాన్‌ పొదుపు మంత్రం : కార్లు వేలం, అపార్ట్‌మెంట్‌లో నివాసం

పాకిస్థాన్ కొత్త ప్రధానమంత్రి ఇమ్రాన్ ఖాన్ పొదుపు మంత్రం జపిస్తున్నారు. లగ్జరీ లైఫ్‌ అనుభవించే ప్రభుత్వ అధికారులపై కొరడా ఝుళిపించారు. వీఐపీ కల్చర్‌ అన్న పదాన్నే తుడిచేయాలని చెబుతున్నారు. ఆయన తీసుకుంటు

Written By pnr
Updated: ఆదివారం, 2 సెప్టెంబరు 2018 (14:13 IST)
పాకిస్థాన్ కొత్త ప్రధానమంత్రి ఇమ్రాన్ ఖాన్ పొదుపు మంత్రం జపిస్తున్నారు. లగ్జరీ లైఫ్‌ అనుభవించే ప్రభుత్వ అధికారులపై కొరడా ఝుళిపించారు. వీఐపీ కల్చర్‌ అన్న పదాన్నే తుడిచేయాలని చెబుతున్నారు. ఆయన తీసుకుంటున్న పొదుపు చర్యలు చాలా మందిని విస్మయానికి గురి చేస్తున్నాయి.
 
ఈ పొదుపు చర్యలను కూడా తన కార్యాలయం నుంచే ఆయన ప్రారంభించడం గమనార్హం. 134 ఎకరాల్లో విస్తరించిన రాజప్రాసాదం, 524 మంది సిబ్బంది ఉన్న ప్రధాని అధికారిక నివాసాన్ని కాదనుకొని 3 బెడ్‌రూమ్‌ అపార్ట్‌మెంట్‌లో నివశించాలని నిర్ణయించారు. కేవలం ఇద్దరు సర్వెంట్స్‌ని మాత్రమే పనిలో ఉంచుకున్నారు. ప్రధాని నివాసాన్ని యూనివర్సిటీగా మారుస్తానని ప్రకటించారు. 
 
ఇకపోతే, పాక్‌లో అత్యున్నత అధికారులు విమానాల్లో ఫస్టక్లాస్‌ ప్రయాణాలపై నిషేధం విధించారు. అధ్యక్షుడు, ప్రధానమంత్రి, ప్రధాన న్యాయమూర్తి, రాష్ట్రాల ముఖ్యమంత్రులు ఎవరైనా సరే ఫస్ట్‌క్లాస్‌ బదులుగా ఇక బిజినెస్‌ క్లాసులోనే ప్రయాణించాలంటూ ఆదేశాలు జారీ చేశారు. 
 
అలాగే, ప్రభుత్వ అధికారులతో సమీక్షా సమావేశాల సమయంలో గత ప్రభుత్వాలు రకరకాల నోరూరించే వంటకాలతో భోజనం ఏర్పాటు చేసేవారు. ఇపుడు అలాంటి భోజనాలను నిషేధించారు. ఇప్పుడు సమావేశాల సమయంలో కనీసం బిస్కెట్లు కూడా ఇవ్వడం లేదని ఒక అధికారి వాపోయారంటే తిండిఖర్చుని ఎంత తగ్గించారో అర్థమవుతుంది. 
 
అదేవిధంగా, ప్రధాని నివాసంలో అంతగా వినియోగంలో లేని 33 లగ్జరీ కార్లను వేలం వేయాలని ప్రభుత్వం నిర్ణయించింది. ప్రధాని నివాసంలో సెప్టెంబర్‌ 17న ఈ వేలం జరుగుతుంది. ఎనిమిది బీఎండబ్ల్యూ కారులు, నాలుగు మెర్సెడెస్‌ బెంజ్‌ కార్లు, 16 టయోటా కార్లతో పాటుగా నాలుగు బుల్లెట్‌ ప్రూప్‌ వాహనాలు, ఒక హోండా సివిక్‌ కారు, మూడు సుజుకి వెలికల్స్‌తో పాటుగా 1994 మోడల్‌కు చెందిన హినో బస్సు కూడా వేలం వేస్తారు. ఈ వేలం ద్వారా వచ్చే డబ్బుల్ని ఖజానాలో జమ చేయనున్నారు. 
About Author
pnr
ఠాగూర్ పులపాక ప్రముఖ దినపత్రిక ఈనాడు, చెన్నై కార్యాలయంలో 'న్యూస్ కాంట్రిబ్యూటర్‌'గా జర్నలిజం ఓనమాలు నేర్చుకున్నారు. హైదరాబాద్ కార్యాలయంలో 'ఆంధ్రజ్యోతి' సబ్-ఎడిటర్ పని చేశారు. 2007 నుంచి 'వెబ్ దునియా'లో అసిస్టెంట్ ఎడిటర్‌‌గా విధులు నిర్వహిస్తున్నారు..... Read More

అన్నీ చూడండి

సామాజిక మార్పు కోసం పోరాడిన పూలే చిత్రం విడుదలకు సిద్ధమైంది

రాయవలస నుంచి విడుదలైన నీతో ఓ అడుగు అంటూ ప్రేమ గీతానికి మంచి స్పందన

అప్పాకుట్టి సినిమా ప్రమోషన్-రైలులో ప్రయాణించిన విజయ్ ఆంటోనీ (video)

Chandrabose: గ్రామోఫోన్ రికార్డుల నుండి ఆస్కార్ అవార్డుల వరకు—సాంకేతిక పరిణామాన్ని నేను కళ్లారా చూశాను: చంద్రబోస్

Vijay Sethupathi :మొబైల్ యాప్ లోన్ నేపథ్యంగా విజయ్ సేతుపతి ఆవిష్కరించిన ఈగో రాజా టీజర్

తర్వాతి కథనం
Show comments