suvichar
✕

ప్రధాని మోడీకి కౌంట్‌డౌన్ ప్రారంభమైంది : శివసేన

ప్రధానమంత్రి నరేంద్ర మోడీకి కౌంట్‌డౌన్ ప్రారంభమైందని శివసేన ఎంపీ సంజయ్ రౌత్ అభిప్రాయపడ్డారు. ఎన్డీయే భాగస్వామ్య పార్టీగా ఉన్న శివసేన ప్రధాని మోడీ వైఖరినచ్చక ఆ కూటమి నుంచి వైదొలగి, వచ్చే ఎన్నికల్లో స్వ

Written By pnr
Updated: గురువారం, 8 మార్చి 2018 (17:58 IST)
ప్రధానమంత్రి నరేంద్ర మోడీకి కౌంట్‌డౌన్ ప్రారంభమైందని శివసేన ఎంపీ సంజయ్ రౌత్ అభిప్రాయపడ్డారు. ఎన్డీయే భాగస్వామ్య పార్టీగా ఉన్న శివసేన ప్రధాని మోడీ వైఖరినచ్చక ఆ కూటమి నుంచి వైదొలగి, వచ్చే ఎన్నికల్లో స్వతంత్రంగా పోటీ చేయనున్నట్టు ప్రకటించిన విషయం తెల్సిందే. ఈ నేపథ్యంలో తాజాగా, ఎన్డీయే ప్రభుత్వంలో కీలక భాగస్వామిగా ఉన్న తెలుగుదేశం పార్టీ కూడా ఆ కూటమి నుంచి వైదొలగనుంది. ఇప్పటికే ఆ పార్టీకి చెందిన ఇద్దరు కేంద్ర మంత్రులు తమ మంత్రిపదవులకు రాజీనామాలు చేయనున్నారు. 
 
ఈ పరిణామాలన్నింటిపై సంజయ్ రౌత్ స్పందిస్తూ, ఎన్డీయే నుంచి ఇక ఒక్కొక్క పార్టీ బయటపడుతుందన్నారు. ఈ పరిణామాలను శివసేన ముందుగానే ఊహించిందన్నారు. ఇతర పార్టీలు కూడా ఎన్డీయే నుంచి బయటికొస్తాయన్నారు. మిత్ర పక్షాలను బీజేపీ గౌరవించడం లేదన్నారు. బీజేపీతో మిత్రపక్షాల సత్సంబంధాలు ఇక ఎంతోకాలం కొనసాగబోవని జోస్యం చెప్పారు. క్రమంగా ఆ పార్టీల ఆగ్రహం పెచ్చుమీరుతుందని, అంతిమంగా కూటమి నుంచి వెళ్ళిపోతాయని అన్నారు. 
 
బీజేపీ తన మిత్రపక్షాలను గౌరవించడం లేదని శివసేనకు చెందిన మరో ఎంపీ అరవింద్ సావంత్ అన్నారు. తెలుగు దేశం పార్టీ ఇప్పుడిప్పుడే ఆ విషయాన్ని తెలుసుకుంటోందన్నారు. తాము ఈ విషయాన్ని చాలా కాలంగా చెప్తున్నామన్నారు. అందరినీ కలుపుకుంటామని బీజేపీ చెప్తూ ఉంటుందని, కానీ విధానాలను నిర్ణయించేటపుడు అటువంటి ప్రయత్నాలేవీ చేయదని ఆయన విమర్శలు గుప్పించారు. 
About Author
pnr
ఠాగూర్ పులపాక ప్రముఖ దినపత్రిక ఈనాడు, చెన్నై కార్యాలయంలో 'న్యూస్ కాంట్రిబ్యూటర్‌'గా జర్నలిజం ఓనమాలు నేర్చుకున్నారు. హైదరాబాద్ కార్యాలయంలో 'ఆంధ్రజ్యోతి' సబ్-ఎడిటర్ పని చేశారు. 2007 నుంచి 'వెబ్ దునియా'లో అసిస్టెంట్ ఎడిటర్‌‌గా విధులు నిర్వహిస్తున్నారు..... Read More

అన్నీ చూడండి

సీనియర్ నటుడు గిరిబాబు మృతిపై పవన్ కళ్యాణ్ సంతాపం

జూనియర్ ఎన్టీఆర్ - అనిల్ రావిపూడి కాంబోలో చిత్రం

ఏమీ లేనపుడు ఎన్నో కావాలని కోరుకుంటాం : అమితాబ్ బచ్చన్

ప్రముఖ సినీనటుడు గిరిబాబు కన్నుమూత

Rajamouli's praise: రాజమౌళి ప్రశంసలతో థియేటర్లలోకి రాబోతున్న తమిళ థ్రిల్లర్ జాన్ డో

తర్వాతి కథనం
Show comments