తెనాలిని నిజంగానే మినీ సింగపూర్ చేసేస్తారేమో...? స్పీడు పెంచిన మంత్రి నాదెండ్ల
అలా పదవీప్రమాణం చేసారో లేదో ఇలా నియోజకవర్గాల్లో అభివృద్ధి పనులపై దృష్టి సారిస్తున్నారు కూటమి మంత్రులు. జనసేన పార్టీకి చెందిన రాష్ట్ర మంత్రి నాదెండ్ల మనోహర్ తెనాలి పట్టణంలో డ్రైనేజ్ వ్యవస్థ పనులను దగ్గరుండి పర్యవేక్షించారు. అధికారులను పరుగులు పెట్టించారు.
వాస్తవానికి తెనాలి పట్టణానికి మినీ సింగపూర్ అనే పేరు వుంది. ఎందుకంటే ఈ పట్టణం మధ్యగుండా కృష్ణా నది నుంచి కాలువ వెళుతుంది. ఈ కాలువకి అటువైపు ఇటువైపు రోడ్డు వుంటుంది. ఇది తెనాలి పట్టణం మధ్యగా వెళుతుంటుంది. ఐతే ఈ కాలువకు పక్కనే వున్న రోడ్డు మాత్రం అధ్వాన్నంగా వుంది. ఇదే కాదు... పట్టణంలో చాలాచోట్ల ఇరుకు సందులు, గతుకుల రోడ్లు, పాతబడిపోయిన విద్యుత్ స్తంభాలు... ఇలా చెప్పుకుంటూ పోతే ఎన్నో సమస్యలు. ఈ సమస్యలన్నిటినీ ఒక్కొక్కటిగా పరిష్కరించేందుకు మంత్రి నాదెండ్ల మనోహర్ రంగంలోకి దిగారు.
