పట్టణ అడవుల అభివృద్ధికి కేంద్రం నుంచి రూ.15.4 కోట్లు..పవన్ కల్యాణ్

రాష్ట్ర వ్యాప్తంగా పట్టణ అడవుల అభివృద్ధికి కేంద్ర ప్రభుత్వం రూ.15.4 కోట్లు మంజూరు చేసిందని ఆంద్రప్రదేశ్ ఉప ముఖ్యమంత్రి, అటవీ, పర్యావరణ, సైన్స్ అండ్ టెక్నాలజీ మంత్రి పవన్ కళ్యాణ్ ప్రకటించారు. ఈ నిధులు 11 మున్సిపల్ కార్పొరేషన్లు, మునిసిపాలిటీల అధికార పరిధిలో కొత్త అభివృద్ధి కార్యక్రమాలకు ఉపయోగపడతాయి. 

కేటాయించిన నిధులు కర్నూలులోని గార్గేయపురంలో నగర వనాల ఏర్పాటుతో సహా వివిధ ప్రాజెక్టులకు దోహదపడతాయి. కడప సిటీ ఫారెస్ట్, వెలగాడ సిటీ ఫారెస్ట్, నెల్లిమర్ల, చిత్తూరు డెయిరీ నగర వనం, కత్తిరి కొండ సిటీ ఫారెస్ట్, శ్రీకాళహస్తిలోని కైలాసగిరి సిటీ ఫారెస్ట్, తాడేపల్లిగూడెంలోని ప్రకాశరావుపాలెం నగర వనం, పెనుకొండలోని శ్రీకృష్ణదేవరాయ కోట ఎకో పార్క్, కదిరిలోని బత్రేపల్లి జలపాతాల ఎకో పార్క్,  పలాసలోని కాశీబుగ్గ నగర వనం. ఇంకా, తూర్పు ఘాట్ బయోడైవర్సిటీ సెంటర్ విశాఖపట్నంలోని నగర వనం అభివృద్ధిని పర్యవేక్షిస్తుందని పవన్ తెలిపారు.