రాజకీయ అధికారం తాత్కాలికమే.. ఎన్నికల కాలానికే పరిమితం.. జగన్ అర్థం చేసుకోవాలి?

ఏపీలో అధికారంలోకి వచ్చిన సంకీర్ణ ప్రభుత్వం గత ప్రభుత్వం మిగిల్చిన పెండింగ్ బకాయిలను వెంటనే చెల్లించిందని మంత్రి నారా లోకేష్ పేర్కొన్నారు. ఆర్థిక ఇబ్బందులు ఉన్నప్పటికీ, ఫీజు రీయింబర్స్‌మెంట్ బకాయిల కోసం నిధులు విడుదల చేసినట్లు నారా లోకేష్ అన్నారు.

2019లో అధికారంలోకి వచ్చిన తర్వాత జగన్ మోహన్ రెడ్డి గత ప్రభుత్వం మిగిల్చిన బకాయిలను చెల్లించలేదు. ఇంకా తెలుగుదేశం పార్టీ హయాంలో ప్రారంభించిన అభివృద్ధి ప్రాజెక్టులను నిలిపివేశారు. పాక్షికంగా పూర్తయిన ప్రాజెక్టులను జగన్ నాశనం చేస్తున్నారని, ఇది ఆయన నిరంకుశ స్వభావానికి నిదర్శనమని నారా లోకేష్ ఆరోపించారు.

జగన్ పాలనను నారా లోకేష్ విమర్శించారు. గత ప్రభుత్వాల సంక్షేమ, అభివృద్ధి పథకాలను కొనసాగించడం సర్కారు ఆనవాయితీ.. అయితే జగన్ విధ్వంసక విధానాల ద్వారా ప్రజాస్వామ్య సూత్రాలను ఉల్లంఘించారని ఆరోపించారు. ప్రభుత్వాలు మారవచ్చు. కానీ రాజకీయ అధికారం తాత్కాలికమేనని, అది ఎన్నికల కాలానికే పరిమితమని జగన్ అర్థం చేసుకోవాలని లోకేష్ సూచించారు.