తెనాలి శ్రీ వేంకటేశ్వర స్వామి ఆలయంలో రూ.2వేల కరెన్సీ నోట్లు
గుంటూరు జిల్లా తెనాలి సమీపంలోని వైకుంఠపురం శ్రీ వేంకటేశ్వర స్వామి ఆలయంలోని హుండీలో రెండు వేల రూపాయల నోట్లు ప్రత్యక్షమైనాయి. 2023లో భారతదేశం అంతటా రూ.2,000 నోట్ల చెలామణి అధికారికంగా నిలిపివేయబడినందున ఈ సంఘటన చర్చనీయాంశంగా మారింది.
గురువారం, ఆలయ అధికారులు, ట్రస్ట్ బోర్డు సభ్యులు, భక్తుల సమక్షంలో ఆలయ అధికారులు హుండీ కానుకల లెక్కింపు నిర్వహించారు. ఈ ప్రక్రియలో, మొత్తం 122 రద్దయిన రూ.2,000 నోట్లు, అంటే రూ.2.44 లక్షలు దొరికాయి. చెల్లని కరెన్సీని అందించిన భక్తుల గురించి చర్చ మొదలైంది. ఈ చెల్లని నోట్లను ఏం చేయాలా అని ఆలయ అధికారులు తల పట్టుకున్నారు.
