నవంబరు 29న తిరుచానూరులో వర్చువల్ ల‌క్ష కుంకుమార్చ‌న
తిరుచానూరు శ్రీ పద్మావతి అమ్మవారి ఆలయంలో నవంబరు 30 నుండి డిసెంబ‌రు 8వ తేదీ వరకు వార్షిక కార్తీక బ్రహ్మోత్సవాలు నిర్వహించనున్నారు.
ఈ సందర్భాన్ని పుర‌స్క‌రించుకుని నవంబరు 29వ తేదీన సోమ‌వారం వర్చువల్ విధానంలో ల‌క్ష‌కుంకుమార్చ‌న జరుగనుంది. కోవిడ్‌-19 వ్యాప్తి నేప‌థ్యంలో ఈ కార్య‌క్ర‌మాన్ని ఆలయంలో ఏకాంతంగా నిర్వ‌హిస్తారు.
ఈ సేవా టికెట్ ధ‌ర‌ను రూ.1,116/-గా టిటిడి నిర్ణ‌యించింది. త్వ‌ర‌లోనే ఈ టికెట్ల‌ను ఆన్‌లైన్‌లో అందుబాటులో ఉంచుతారు. ఈ టికెట్ బుక్ చేసుకున్న గృహ‌స్తులు 90 రోజుల్లోపు రూ.100/- ప్ర‌త్యేక ప్ర‌వేశ‌ద‌ర్శ‌న క్యూలైన్‌లో ఉచితంగా అమ్మ‌వారిని ద‌ర్శించుకోవ‌చ్చు.
ద‌ర్శన స‌మ‌యంలో గృహ‌స్తుల‌కు ఉత్త‌రీయం, ర‌విక, అక్షింత‌లు అందిస్తారు. www.tirupatibalaji.ap.gov.in వెబ్‌సైట్ ద్వారా వర్చువల్ సేవా టికెట్లు బుక్ చేసుకోవచ్చు.
