దక్షిణాఫ్రికా సిరీస్‌కు దూరమైన మహ్మద్ షమీ?
టీమిండియా స్టార్ బ్యాటర్ మహ్మద్ షమీ దక్షిణాఫ్రికా సిరీస్‌కు దూరమయ్యాడు. చీలమండ గాయంతో బాధపడుతున్న షమీ ముంబైలో చికిత్స తీసుకోవాలని భావిస్తున్నట్టు తెలుస్తోంది. వైద్యులను కలిసేందుకు అతడు ముంబై చేరుకున్నాడు. ఆ తర్వాత బెంగళూరులోని జాతీయ క్రికెట్ అకాడమీ (ఎన్‌సీఏ)కి వెళ్తాడని బీసీసీఐ సమాచారం
సౌతాఫ్రికాతో ఈ నెల 26 నుంచి ప్రారంభం కానున్న టెస్టు సిరీస్ కోసం షమీని సెలక్టర్లు ఎంపిక చేశారు. అయితే, బాక్సింగ్ డే టెస్టుకు అతడు అందుబాటులో ఉండే అవకాశం తక్కువేనని తెలుస్తోంది. వన్డే ప్రపంచకప్‌లో షమీ అత్యుత్తమ ప్రతిభ కనబర్చాడు. కేవలం 7 మ్యాచుల్లోనే 10.70 సగటుతో ఏకంగా 24 వికెట్లు పడగొట్టి పలు రికార్డులు కొల్లగొట్టాడు.
