బంగ్లాదేశ్‌లో హిందూ మహిళపై అత్యాచారం
బంగ్లాదేశ్‌లో హిందూ మహిళపై అత్యాచారం జరిగింది. కొమిల్లా జిల్లాలో జరిగిన ఈ దారుణ ఘటన తీవ్ర కలకలం రేపింది. ఈ ఘటనలో పోలీసులు ఐదుగురిని పోలీసుల్ అరెస్టు చేశారు. హిందూ వర్గానికి చెందిన ఒక మహిళపై అత్యాచారానికి పాల్పడటమేకాకుండా ఆ దారుణాన్ని వీడియో తీసి సోషల్ మీడియాలో వ్యాప్తి చేసిన ఆరోపణలపై వీరిని అదుపులోకి తీసుకున్నారు. కొమిల్లా జిల్లాలోని మురాద్ నగర్ పోలీస్ స్టేషన్ పరిధిలోని రామ్ చంద్రపూర్‌ పంచకిట్ట గ్రామంలో గురువారం ఈ అమానుష ఘటన చోటుచేసుకుంది.
పోలీసులు వెల్లడించిన వివరాల మేరకు.. బాధితురాలు ఒంటరిగా ఉన్న సమయంలో అదే గ్రామానికి చెందిన 36 యేళ్ళ అలీ ఆమెపై అత్యాచానికి పాల్పడ్డారు. ఈ అఘాయిత్యాన్ని గమనించిన స్థానిక గ్రామస్థుల నిందితుడుని పట్టుకుని దేహశుద్ది చేశారు. అయితే, ఆ నిందితుడు వారి నుంచి తప్పించుకుని పరారయ్యాడు. ఈ ఘటన జరిగిన సమయంలో అక్కడే ఉన్న కొందరు బాధితురాలిని అసహాయ, స్థితిలో వీడియో తీసి దానిని సోషల్ మీడియాలో పోస్ట్ చేశారు. ఈ వీడియో క్షణాల్లో వైరల్ అయింది. ఈ ఘటనపై మురాద్ నగర్ పోలీస్ స్టేషన్‌లో కేసు నమోదైంది. ఈ వీడియోను రికార్డు చేసి వ్యాప్తి చేసిన మరో నలుగురిని పోలీసులు అరెస్టు చేశారు. ఈ కేసులో నిందితులైన చట్టపరమైన చర్యలు తీసుకుంటామన్నారు.
