తాచుపాము అనుకున్నాడు.. భార్య కాలిని విరగ్గొట్టాడు.. ఎక్కడ?
పాము అనుకుని భార్య కాలిని విరగ్గొట్టాడు ఓ భర్త. ఈ ఘటన మెల్‌బోర్న్‌లో చోటుచేసుకుంది. ఫ్యాషన్ అని నల్లటి తాచుపాములా వున్న లెగ్గిన్స్ కొనుక్కున్న పాపానికి ఆమె కాళ్లు విరగ్గొట్టుకుంది. వివరాల్లోకి వెళితే.. ఆస్ట్రేలియా, మెల్‌బోర్న్‌కు చెందిన మహిళ అచ్చం కాళ్లు రెండు తాచుపాముళ్లా కనిపించే లెగ్గిన్స్ కొనుగోలు చేసింది. అయితే ఈ తాచుపాము లెగ్గిన్స్ వేసుకుని భర్తను ఆటపట్టిదామనుకుంది.
అలా ఓ రోజు రాత్రి సరదాగా తాచుపాము లెగ్గిన్స్ ధరించింది. భర్త రాకుముందే నిద్రపోయింది. అలా రాత్రి ఇంటికి చేరుకున్న భర్త.. బెడ్‌రూమ్‌లో నిద్రిస్తున్న భార్య కాళ్లను చూసి పాము అనుకుని భయంతో వణికిపోయాడు. భయంతో బేస్ బాల్ ఆడే బ్యాట్ తీసుకొని ఆమె కాళ్లపై చితక్కొట్టాడు. భర్త కొట్టిన దెబ్బలకు భార్య గట్టిగా కేకలు వేసింది.
భార్య పామును చూసి భయపడే భార్య అలా అరుస్తుందని.. ఇంకాస్త గట్టిగా కొట్టాడు. అవి పాములు కాదు.. తన కాళ్లు అని భార్య అరవడంతో తేరుకున్న భార్త ఆమెను హుటాహుటీన ఆస్పత్రికి తరలించాడు. కానీ భర్త కొట్టిన దెబ్బలకు భార్య కాలు విరిగినట్లు వైద్యులు నిర్ధారించారు. ప్రస్తుతం ఈ వ్యవహారానికి సంబంధించిన ఫోటోలో నెట్టింట వైరల్‌గా మారాయి. ఈ ఫోటోలను చూసి నెటిజన్లు వరుస కామెంట్లు పెడుతున్నారు.
