ఐఎస్ టెర్రరిస్టులు మరో ఘాతుకం: ఐదంతస్తుల భవనం నుంచి కిందికి నెట్టి?!
ఇస్లామిక్ ఉగ్రవాదుల ఆగడాలు రోజు రోజుకు మితిమీరుతున్నాయి. హద్దు అదుపు లేకుండా రెచ్చిపోతున్నారు. తాజాగా ఐఎస్ టెర్రరిస్టులు మరో ఘాతుకానికి ఒడిగట్టారు. ఓ సిరియన్ వ్యక్తిని ఐదంతస్తుల భవనం పైనుంచి కిందికి నెట్టి అతికిరాతకంగా చంపేశారు. దీనికి వారు చెప్పిన సమాధానం అతడు స్వలింగ సంపర్కుడు కావడమేనట. స్వలింగ సంపర్కుడవ్వడంచేత అతడిని ఓ ఎత్తైన భవనం పైనుంచి కిందకి తోసేశారు.
అలెప్పో రాష్ట్రం మన్బిజ్‌లో జరిగిన అమానవీయ ఘటనతో ప్రపంచం నివ్వెరపోయింది. ఐఎస్‌లా ప్రకారం ఓ వ్యక్తి స్వలింగ సంపర్గుడిగా ఉండడం, ఆ విధానానికి మద్ధతు తెలపడం నేరం. దీంతో ఆ వ్యక్తిని ''గే'' అని ఆరోపించి అతన్నిబంధించి మరణ శిక్షను అమలు చేస్తున్నట్లు తెలిపారు.
ప్రజలు చూస్తుండగానే తుపాకులు చేత పట్టి ఉన్న ఉగ్రవాదులు ముసుగేసి తాళ్లతో బంధించి ఉన్నఆ వ్యక్తిని నేరుగా బిల్డింగ్ పైనుండి కిందకి పడేశారు. దీంతో అతడు తలపగిలి మరణించాడు. అనంతరం ఆ సదరు వ్యక్తి భవనం నుండి కిందకు పడేవరకు ఫోటోలు తీసి విడుదల చేశారు. ఈ ఫోటోలో ఐదంస్తుల భవనం పై నుంచీ కిందికి తోసేయడం స్పష్టంగా కనిపించడమే కాక... ఐసిస్ వికృత చర్యలకు సాక్ష్యంగా నిలుస్తోంది.
