అమెరికాలో ఏపీ విద్యార్థి మృతి.. అక్క ఇంట్లో వుంటూ.. జలపాతంలో పడి..?
అమెరికాలో ఏపీ విద్యార్థి ప్రాణాలు కోల్పోయాడు. ఏపీ గోపాలపురం మండలం చిట్యాకు చెందిన విద్యార్థి గద్దె సాయిసూర్య అవినాష్ ప్రమాదవశాత్తు అమెరికాలో జలపాతంలో పడి ప్రాణాలు కోల్పోయిన విషాద సంఘటన సోమవారం (జూలై 8) చోటుచేసుకుంది.
అవినాష్ తన ఉన్నత చదువులు (ఎంఎస్) చదివేందుకు జనవరి 2023లో అమెరికా వెళ్లి తన సోదరి ఇంట్లో ఉంటున్నాడు. కుటుంబ సభ్యులు తెలిపిన వివరాల ప్రకారం, అవినాష్ తన అక్క కుటుంబంతో కలిసి జులై 7న స్నేహితుడి ఇంటికి వెళ్లేందుకు వెళ్లాడు.
న్యూయార్క్ జలపాతాలను వీక్షిస్తూ అవినాష్ ప్రమాదవశాత్తు జలపాతంలో పడి మునిగిపోయాడు. అవినాష్ అకాల మరణవార్త ఆంధ్రప్రదేశ్‌లోని ఆయన కుటుంబీకులు, బంధువులను విషాదంలో ముంచెత్తింది. అవినాష్ భవిష్యత్తుపై చాలా ఆశలు పెట్టుకున్న వారు.. అతను గ్రాడ్యుయేట్‌గా తిరిగి వస్తాడని ఆసక్తిగా ఎదురుచూస్తున్నారు.
ఇలాంటి సమయంలో అతడు ఇక లేదనే విషయాన్ని జీర్ణించుకోలేకపోతున్నాడు. ఇక అవినాష్ మృతదేహాన్ని స్వగ్రామానికి తీసుకొచ్చేందుకు ఏర్పాట్లు చేస్తున్నామని అమెరికాలో ఉన్న మృతుడి సోదరి ధృవీకరించారు.
