రవితేజ అనగానే.. ఇడియట్... వంటి చిత్రాలు చేసే హీరో గుర్తుకువస్తాడు. ఇప్పుడు తనలాగే యూత్ చేస్తుంటే ఆనందమేస్తుందని అంటుంటారు. తనను కొంతమందైనా అనుసరించడం గర్వంగా వుందని చెబుతున్నాడు. సినిమా చూపిస్తా మామా చిత్రంలో రాజ్కిరణ్ను చూస్తుంటే తాను ఇడియట్ రోజులు గుర్తుకువచ్చాయని చెప్పారు. తాజాగా రవితేజ, రకుల్ ప్రీత్ సింగ్ జంటగా ఎన్టీఆర్ ఆర్ట్స్ బ్యానర్పై సురేందర్ రెడ్డి దర్శకత్వంలో నందమూరి కళ్యాణ్ రామ్ నిర్మిస్తున్న చిత్రం 'కిక్2'. ఈ చిత్రం అన్ని కార్యక్రమాలు పూర్తిచేసుకొని ఈ నెల 21న ప్రేక్షకుల ముందుకు రానుంది. ఈ సందర్భంగా హీరో రవితేజతో ఇంటర్వ్యూ...
ఒక్కసారిగా బాగా తగ్గారే? ఇలాగే మెయిన్టైన్ చేస్తారా?
కారణం ఏమీలేదు. తగ్గాలని తగ్గాను. 10 కేజీలు తగ్గాను. బాడీని ఇలాగే మెయిన్టైన్ చేయవచ్చు.. మళ్ళీ మామూలుగా రావచ్చు. చెప్పలేను.
ఆహారంలో ఏవైనా జాగ్రత్తలు తీసుకుంటున్నారా?
అన్నీ తింటున్నాను. ఏమీ జాగ్రత్తలు తీసుకోవడంలేదు.
'కిక్' సీక్వెల్ చేయాలనే ముందుగానే వచ్చిందా?
ముందు అనుకోలేదు. అసలు ఇక్కడో విషయం స్పష్టం చేయాలి. ఇది సీక్వెల్ కాదు. అందరూ అలాగే అనుకుంటున్నారు. నిజానికి కిక్ ఒక కథ అయితే కిక్2 మరొక కథ. ఇవి రెండు భిన్నమైన కథలు. సుమారు రెండున్నర సంవత్సరాల క్రితం రచయిత వక్కంతం వంశీ ఒక పాయింట్ చెప్పారు. దానిని స్టొరీగా డెవలప్ చేయమని చెప్పాం. కథ రెడీ చేసినప్పుడు కిక్2 అని అనుకోలేదు. రెడీ అయిన తరువాత కిక్2 పర్ఫెక్ట్ యాప్ట్ అని భావించాం. ఈ సినిమాలో నా పాత్ర పేరు రాబిన్ హుడ్. తన స్వార్ధం కోసం జీవించే రాబిన్ తన లైఫ్ ఎలా లీడ్ చేసాడనేదే స్టొరీ.
చిత్రం ఆలస్యం గావడానికి కారణమేమైనా వుందా?
పోస్ట్ ప్రొడక్షన్, డి.ఐ విషయాలలో ఎక్కడా క్వాలిటీ విషయంలో కాంప్రమైజ్ కాకుండా తీసారు. అందుకే రిలీజ్కు లేట్ అయింది.
నిర్మాణపు వాల్యూస్ ఎలా వున్నాయి?
కళ్యాణ్ రామ్తో నాలుగైదు సంవత్సరాల క్రితమే పని చేయాల్సి వుంది. కాని అప్పుడు కొన్ని కారణాల వలన కుదరలేదు. ఏదైతేనేమి ఓ మంచి సినిమా ఆయన బ్యానర్లో చేసే అవకాశం వచ్చింది. సూపర్గా నిర్మాణపు వాల్యూస్ వున్నాయి.
తమన్నే మళ్ళీ తీసుకోవడానికి కారణం?
కిక్ తరువాత ఈ సినిమాకు కూడా తమనే మ్యూజిక్ అందించారు. సాంగ్స్ విన్నప్పుడు చాలా సాటిస్ఫైడ్గా అనిపించింది. అంతేకాకుండా సమయం దొరకడం వలన పాటలు ప్రజలకు బాగా రీచ్ అయ్యాయి. మెలోడీ సాంగ్ అయితే నార్త్ స్టైల్లో ఉందని చెబుతున్నారు. 'మమ్మీ' అనే పాట లిరిక్స్ నాకు బాగా నచ్చాయి.
రెండోసారి సురేందర్ రెడ్డి దర్శకత్వంలో ఎలా వుంది?
సురేందర్ రెడ్డి అసిస్టెంట్ డైరెక్టర్గా ఉన్నప్పటి నుంచి నాకు బాగా తెలుసు. మంచి ఫ్రెండ్. తన నుంచి కిక్ అనే సినిమా ఎవరు ఎక్స్పెక్ట్ చేసి ఉండరు. అప్పటివరకు సీరియస్ యాక్షన్ సినిమాలు చేసే ఆయన తన జోనర్ మార్చుకొని కిక్ అనే మంచి ఎంటర్టైనింగ్ సినిమా తీసారు. దాని తరువాత చేసిన 'రేసుగుర్రం' సూపర్ హిట్స్గా నిలిచాయి. అలానే ఈ సినిమా కూడా.
రకుల్ ప్రీత్ సింగ్ ఎలా వుంది?
ఈ సినిమాలో లీడ్ క్యారెక్టర్లో నటించిన రకుల్ చాలా టాలెంటెడ్. సినిమా కోసం హార్డ్ వర్క్ చేస్తుంది. ఈ మధ్య కాలంలో తను నటించిన సినిమాలన్నీ మంచి హిట్స్ సాధించాయి. టాలెంట్తో పాటు తనకి లక్ కూడా ఫేవర్ చేస్తుంది.
ప్రయోగాలు చేసే ఆలోచన ఉందా?
చేసి దెబ్బ తిన్నాను. అందుకే వద్దనుకున్నాను. గతంలో నేను నటించిన 'నా ఆటోగ్రాఫ్ స్వీట్ మెమొరీస్', 'శంభో శివ శంభో', 'నేనింతే' చిత్రాలు ప్రయోగాలే. ఆ సినిమాలు చూసిన చాలామంది అలాంటి చిత్రాల్లో ఎప్పుడు నటిస్తారని అడిగారు. కాని భవిష్యత్తులో ఎంటర్టైన్మెంట్ ఎక్కువగా ఉన్న చిత్రాల్లోనే నటిస్తాను. నాకు అలాంటి సినిమాలే ఇష్టం.
ఇండస్ట్రీ విశ్లేషిస్తే ఎలా అనిపిస్తుంది?
ఇప్పుడు ఇండస్ట్రీ చాలా మారిపోయింది. మైండ్ సెంట్ ఒక్కసారిగా మార్చేసింది.
ఎవరిది? తీసేవారిదా? చూసేవారిదా?
ఇద్దరివీ. 'బాహుబలి' సినిమా తరువాత సినిమా చూసే ప్రేక్షకుల్లో, సినీ ఇండస్ట్రీలో ఉండేవారి మైండ్ సెట్స్ మారాయి. బాహుబలి, శ్రీమంతుడు చిత్రాలు ఘనవిజయం సాధించాయి. పెద్ద చిత్రాలే కాకుండా రీసెంట్గా విడుదలయిన 'సినిమా చూపిస్త మావ' అనే సినిమాను కూడా ప్రేక్షకులు ఆదరించారు. బాహుబలి సినిమాతో తెలుగు చిత్రాల విలువ పెరిగింది. బాలీవుడ్లో సైతం తెలుగు సినిమాలకు క్రేజ్ పెరిగింది. ఈ క్రెడిట్ అంతా రాజమౌళికే చెందుతుంది.
మిమ్మల్ని కొంతమంది ఇమిటేట్ చేస్తుంటే ఎలా అనిపిస్తుంది?
రీసెంట్గా విడుదలయిన 'సినిమా చూపిస్త మావ' చూస్తుంటే 2004లో రిలీజ్ అయిన 'ఇడియట్' సినిమా గుర్తొచ్చింది. రాజ్ తరుణ్ చాలా బాగా నటించాడు. ఈమధ్య కాలంలో వస్తున్న కుర్ర హీరోలంతా అధ్బుతంగా నటిస్తున్నారు. కొత్త సినిమాలు, కొత్త హీరోలు రావాలి. కాని తెలుగులో చిన్న బడ్జెట్లో వస్తున్న కొత్త చిత్రాలకు ఆదరణ లభించట్లేదు. కొత్త వాళ్ళ మార్కెట్ పెరగట్లేదు. ఈ ధోరణి మారాలని కోరుకుంటున్నాను.
హిందీలో నటించే ఆలోచన వుందా?
ప్రస్తుతానికి లేదు. బాలీవుడ్లో వచ్చిన 'స్పెషల్ చబ్బీస్' సినిమా తెలుగులో రీమేక్ చేయాలనుకున్నాం. ఆ సినిమా చాలా స్లోగా రన్ అవుతుంటుంది. తెలుగు నేటివిటీకు తగ్గట్లుగా చాలా మార్పులు చేయాలి. కాని రీమేక్ చేయడం కుదరలేదు.
మల్టీస్టారర్ చిత్రాల్లో నటిస్తారా?
నేను రెడీ. వీరుపోట్ల దర్శకత్వంలో వెంకటేష్తో కలిసి ఓ సినిమా చేయాలనుకున్నారు. మల్టీస్టారర్ మా కాంబినేషన్ బావుంటుందనుకున్నారు. ఆ తరువాత మరే డిస్కషన్స్ జరగలేదు. మరి ఆ ప్రాజెక్ట్ ఉంటుందో లేదో చెప్పలేను.
భవిష్యత్తు చిత్రాల గురించి?
ప్రస్తుతం కిక్2 రిలీజ్కు రెడీగా ఉంది. 'బెంగాల్ టైగర్' సినిమా కంప్లీట్ అయ్యే స్టేజ్కు వచ్చింది. కొత్త ప్రాజెక్ట్ ఓకే చేయలేదు. నేను ఎప్పుడు రేపు ఏం జరుగుతుందని ఆలోచించను. వచ్చిన అవకాశాలలో సినిమాలు చేసుకుంటూ వెళ్ళిపోతాను.
మెగా ఫోన్ పట్టుకుంటారా?
మొదట అసిస్టెంట్ డైరెక్టర్గా ఇండస్ట్రీకు వచ్చి హీరో అయ్యాను. ఎప్పటికైనా నా డైరెక్షన్లో ఓ సినిమా తెరకెక్కిస్తా. అయితే హీరోగా మాత్రం నేను నటించను. వేరే హీరోతో చేస్తాను. ఖచ్చితంగా సినిమా అయితే చేస్తాను.
కిక్3 ఉంటుందా?
ఈ సినిమా రిలీజ్ అయిన తరువాత అన్ని కుదిరితే 'కిక్3' చేసే ప్లాన్ ఉంది అని ముగించారు.
