'బర్రె రేస్‌'లో బోల్ట్ రికార్డు బద్ధలు... కన్నడ కుర్రోడి రికార్డు

buffaloes race
ఠాగూర్| Last Updated: శుక్రవారం, 14 ఫిబ్రవరి 2020 (15:16 IST)
ఆధునిక ప్రపంచంలో పరుగులు వీరుడు ఎవరయ్యా అంటే ప్రతి ఒక్కరికీ ఠక్కున గుర్తుకు వచ్చే పేరు ఉస్సేన్ బోల్ట్. ఈ జమైకా టైగర్... ప్రపంచంలో అత్యంత వేగంగా పరుగెత్తే అథ్లెట్. వంద మీటర్ల పరుగు పందెంలో ప్రపంచ రికార్డును నెలకొల్పాడు. 100 మీటర్ల దూరాన్ని కేవలం 9.58 సెకన్లలో అధికమించి ప్రపంచ రికార్డును నెలకొల్పాడు.

ఇపుడు ఆ రికార్డు బద్ధలైపోయింది. కర్నాటకకు చెందిన శ్రీనివాస గౌడ(28) బర్రెలతో రన్నింగ్‌ రేస్‌ చేసి ప్రశంసలు అందుకుంటున్నాడు. రాష్ట్రంలోని ఉడుపి, మంగళూరులో బర్రెలతో రన్నింగ్‌ రేస్‌(కంబాలా) అనే సంప్రదాయ పండుగను జరుపుకుంటారు. బురద నేలల్లో ఈ క్రీడను నిర్వహిస్తారు.

అయితే శ్రీనివాస గౌడ తన రెండు బర్రెలతో రన్నింగ్‌ చేస్తూ.. 142.50 మీటర్లను కేవలం 13.62 సెకన్లలో చేరుకున్నాడు. అంటే 100 మీటర్లను కేవలం 9.55 సెకన్లలో చేరుకుని బోల్ట్‌ కంటే మెరుగ్గా తన ప్రతిభను చాటాడు.

ఈ సందర్భంగా శ్రీనివాస గౌడ మాట్లాడుతూ.. కంబాలా ఫెస్టివల్‌ అంటే తనకు ఇష్టం. ఈ పండుగలో ప్రతి ఏడాది పాల్గొంటాను. ఈ విజయం తన బర్రెల వల్లే సాధ్యమైంది. ఈ క్రెడిట్‌ బర్రెలదే అని శ్రీనివాస గౌడ తెలిపాడు.



దీనిపై మరింత చదవండి :