క్యాన్సర్ పేషెంట్‌పై అత్యాచారం చేశాడు.. ఆపై గర్భవతి.. వ్యక్తి అరెస్ట్.. ఎక్కడ?
మహారాష్ట్రలోని థానే జిల్లాలో 13 ఏళ్ల క్యాన్సర్ రోగిపై అత్యాచారం చేసి, గర్భవతిని చేసిన కేసులో ఒక వ్యక్తిని అరెస్టు చేసినట్లు పోలీసులు శనివారం తెలిపారు. 29 ఏళ్ల నిందితుడిని గురువారం బీహార్ నుంచి అరెస్టు చేసినట్లు తెలిపారు.
వివరాల్లోకి వెళితే.. బీహార్‌లోని బాలిక కుటుంబం ఉన్న గ్రామానికి చెందిన నిందితుడు, రెండు నెలల క్రితం బద్లాపూర్‌లో వారికి అద్దెకు వసతి ఏర్పాటు చేసి, ఆమె చికిత్సకు సహాయం చేశాడు.
ఇంట్లో ఒంటరిగా ఉన్న సమయంలో ఆ వ్యక్తి బాలికను తన ఆధీనంలోకి తీసుకుని మూడుసార్లు లైంగిక దాడికి పాల్పడ్డాడని అసిస్టెంట్ కమిషనర్ ఆఫ్ పోలీస్ శైలేష్ కాలే తెలిపారు. ఆ చిన్నారి పొరుగున ఉన్న ముంబైలోని ఒక ఆసుపత్రిలో కీమోథెరపీ చేయించుకుంటోందని, సాధారణ పరీక్షలో ఆమె గర్భవతి అని తేలిందని ఆయన అన్నారు.
దీని తరువాత, లైంగిక నేరాల నుండి పిల్లల రక్షణ (పోక్సో) చట్టం, భారతీయ న్యాయ సంహిత నిబంధనల కింద కేసు నమోదు చేసినట్లు అధికారి తెలిపారు. బాధితురాలు కుటుంబం బద్లాపూర్‌లో ఉండేలా నిందితుడు ఏర్పాట్లు చేశాడు. ఆమె చికిత్సకు సహాయం చేస్తున్నాడు.
ఈ సమయంలో, అతను ఆమెపై అత్యాచారం చేశాడు. ఆమె గర్భవతి అయింది" అని సీనియర్ ఇన్‌స్పెక్టర్ కిరణ్ బల్వాడ్కర్ అన్నారు. అరెస్టు చేసిన నిందితుడిని జ్యుడీషియల్ కస్టడీకి తరలించారు. తదుపరి దర్యాప్తు జరుగుతోంది.
