పోర్టబిలిటీ సేవలకు తాత్కాలిక బ్రేక్‌
మొబైల్‌ నంబరు మారకుండానే సెల్‌ఫోన్‌ ఆపరేటర్‌ను మార్చేలా వెసులుబాటు కల్పించే పోర్టబిలిటీ సేవలకు తాత్కాలికంగా బ్రేక్‌ పడనుంది.
వచ్చేనెల 4 నుంచి 10వ తేదీ వరకు మొబైల్‌ నంబర్‌ పోర్టబిలిటీ (ఎంఎన్‌పీ) సేవలను నిలిపివేస్తూ భారత టెలికం నియంత్రణ సంస్థ (ట్రాయ్‌) శనివారం ఆదేశాలు జారీ చేసింది.
నవంబరు 11 నుంచి ఎంఎన్‌పీలో కొత్త విధానం రానున్నందున ఈ నిర్ణయం తీసుకున్నట్లు తెలిపింది. పాత విధానంలో ఆపరేటర్‌ మార్పునకు వినియోగదారులు వారం రోజులు ఎదురుచూడాల్సి వచ్చేది. కొత్తవిధానంలో అది రెండు రోజుల్లో పూర్తికానుంది.
