1. వార్తలు
  2. తెలుగు వార్తలు
  3. తెలంగాణ వార్తలు
  4. RTC to add over 500 buses to Hyderabad fleet

554 కొత్త బస్సులను ప్రవేశపెట్టాలి.. టీజీఎస్సార్టీసీ

tsrtc
ప్రజా రవాణా కోసం పెరుగుతున్న డిమాండ్‌ను తీర్చడానికి తెలంగాణ రోడ్డు రవాణా సంస్థ (టీజీఎస్సార్టీసీ) త్వరలో గ్రేటర్ హైదరాబాద్ (జీహెచ్) జోన్ పరిమితులలో సుమారు 554 కొత్త బస్సులను ప్రవేశపెట్టాలని యోచిస్తోంది. కొత్త ఫ్లీట్‌లో మరిన్ని ఎలక్ట్రిక్ బస్సులు ఉండేలా ప్రయత్నాలు జరుగుతున్నాయి.
 
 హైదరాబాద్ నగర పరిధిలో నడపనున్న కొత్త బస్సుల్లో 265 డీజిల్ బస్సులు, 289 ఎలక్ట్రిక్ బస్సులు ఉన్నాయని హైదరాబాద్ ప్రాంతీయ ఆర్టీసీ అధికారులు తెలిపారు. ఆర్టీసీ సొంతంగా అందించే 265 బస్సుల్లో 65 మెట్రో డీలక్స్, 140 మెట్రో ఎక్స్‌ప్రెస్, 60 సిటీ ఆర్డినరీ బస్సులు ఉన్నాయి. 
 
గ్రేటర్ హైదరాబాద్ రీజియన్‌కు మొత్తం 500 ఎలక్ట్రిక్ బస్సులు కేటాయించామని, వాటిలో ఇప్పటికే 111 సిటీ రోడ్లపై తిరుగుతున్నాయని ఆర్టీసీ సీనియర్ అధికారి ఒకరు తెలిపారు. కొద్ది వారాల్లోనే నగరంలో 25 ఈవీ బస్సులు కూడా అందుబాటులోకి రానున్నాయని కార్పొరేషన్ వర్గాలు వెల్లడించాయి.
తర్వాతి కథనం
జగనన్న కోసం IPAC బృందాన్ని నడిపాను... దివ్వెల మాధురి (Video)