బ్రెయిన్ ఆఫ్‌చేసి సినిమా చూడ‌మంటున్న అల్లుఅర్జున్‌
శివ‌రాత్రి జాగారం చేయ‌డం, రాత్రిళ్ళు సినిమా చూడ‌డం మామూలే. అల్లు అర్జున్‌కూడా అలా చేశాడ‌ట. నిన్న రాత్రి శివుడి పూజించుకున్న అనంత‌రం హాయిగా జాతిత‌ర్నాలు సినిమా చూశాడ‌ట. ఆ సినిమా చూస్తున్నంత‌సేపు తెగ న‌వ్వు వ‌చ్చేసింద‌ని చెబుతున్నాడు. హిలేరియ‌స్ కామెడీ సినిమా. నవీన్ పోలిశెట్టి స్టీల్ ది షో.. అంటూ కామెంట్ చేశాడు అల్లు అర్జున్. ఇప్ప‌టికే ప్రభాస్, విజ‌య్‌దేవ‌ర‌కొండ‌ల‌తో నిర్మాత నాగ్ అశ్విన్ బాగాప్ర‌చారాన్ని చేశాడు. అదే బాగా ప్ల‌స్ అయింది. థియేట‌ర్ల‌లో యూత్ బాగా ఎంజాయ్ చేస్తున్నారు. లాజిక్కుల‌ను ఆలోచించ‌కుండా స్పాన్‌టేనియ‌స్‌గా వ‌చ్చే మాట‌లు, నవీన్ యాక్ష‌న్ సీన్సు వారికి బాగా ఆక‌ట్టుకున్నాయి.
ఈ సినిమా చూశాక అల్లు అర్జున్ ఎగ్జైటింగ్ పోస్ట్ పెట్టి వారి టీంకు ఈరోజు స్పెషల్ కంగ్రాట్స్ చెప్పారు. నిన్న రాత్రే సినిమా సినిమా చూశానని, సినిమా చూసి తెగ నవ్వుకున్నానీ, ఈ సినిమాకు ప‌నిచేసిన మొత్తం సినిమా యూనిట్ కు నా కంగ్రాట్స్ తెలుపుతున్నాని అన్నారు. నవీన్ తన పెర్ఫామెన్స్ తో సినిమాలో అదరగొట్టాడని అలాగే ప్రియదర్శి, రాహుల్ రామకృష్ణకు కూడా స్పెషల్ మెన్షన్ చేసి చెప్పారు. అలాగే సినిమా టెక్నిషియన్స్ నాగ్ అశ్విన్ మరియు దర్శకుడు అనుదీప్ అందరి కోసం కూడా స్పెషల్ గా మెన్షన్ చేసి తన స్పెషల్ కంగ్రాట్స్ ను బన్నీ తెలిపారు. లాస్ట్ లో బ్రెయిన్ ఆఫ్ చేసి సినిమా చూసి ఎంజాయ్ చెయ్యమని చెప్పారు.
