శుక్రవారం, 29 మార్చి 2024
  1. వినోదం
  2. తెలుగు సినిమా
  3. కథనాలు
Written By మోహన్
Last Updated : గురువారం, 30 మే 2019 (19:21 IST)

అసిస్టెంట్ డైరెక్టర్ అవతారమెత్తిన అనుపమ పరమేశ్వరన్..

మలయాళ భామ అనుపమ పరమేశ్వరన్ అసిస్టెంట్ డైరెక్టర్ అవతారమెత్తింది. ఏదో సినిమాలో ఓ క్యారెక్టర్ కోసం అనుకుంటే పొరపాటే. ఈ అమ్మడు అసిస్టెంట్ డైరెక్టర్ అవతారం ఎత్తింది రీల్ లైఫ్‌లో కాదు, రియల్ లైఫ్‌లోనే.  
 
నిజమండీ బాబూ. మలయాళంలో హీరో దుల్కర్ సల్మాన్ నిర్మాతగా వ్యవహరిస్తున్న సినిమాకి అనుపమ డైరెక్షన్ డిపార్ట్‌మెంట్‌లో జాయిన్ అయ్యింది. ఈ చిత్రం ద్వారా షంజూ జేబా దర్శకుడిగా పరిచయం అవుతున్నాడు. ఈ సినిమా సెట్‌లోని పిక్స్‌ను అనుపమ ఇటీవల సోషల్ మీడియాలో షేర్ చేసింది.
 
'ఇది న్యూ బిగినింగ్, షంజూ వంటి టాలెంటెడ్ డైరెక్టర్ దగ్గర అసిస్టెంట్‌గా పని చేయడం హ్యాపీగా ఉంది, ఈ న్యూ రోల్ పట్ల ఎగ్జైటెడ్‌గా, ఆనందంగా మరియు కొంత నెర్వస్‌గా ఉంది. ఈ టీమ్ పట్ల పూర్తి నమ్మకంతో ఉన్నాను, మా సినిమాకు మీ అందరి ఆశీస్సులు కావాలి'.. అంటూ ఇన్‌స్టా‌గ్రామ్‌లో పోస్ట్ చేసింది. 
 
మరి అసిస్టెంట్‌గా సినిమాలు చేసి, అనుభవం సంపాదించాక డైరెక్షన్ చేస్తుందా లేక హీరోయిన్‌గా కొనసాగుతుందా? అనేది వేచి చూడాలి. కాగా బెల్లంకొండ శ్రీనివాస్‌తో అనుపమ నటించిన రాక్షసుడు త్వరలో రిలీజ్ కానుంది.