శుక్రవారం, 29 మార్చి 2024
  1. వినోదం
  2. తెలుగు సినిమా
  3. కథనాలు
Written By జె
Last Modified: మంగళవారం, 8 సెప్టెంబరు 2020 (22:24 IST)

నన్ను శారీరకంగా వాడుకున్నారు, కానీ ఆ ఒక్కటి..?

కరాటే కళ్యాణి. ఈమె అందరికీ తెలియకపోయినా సినిమాలు బాగా చూసేవారికి మాత్రం బాగా తెలుస్తుంది. కొన్ని క్యారెక్టర్లు చేసిన ఈమెకు తెలుగు సినీపరిశ్రమలో మంచి పేరే ఉంది. అందుకే ఈమెకు బిగ్ బాస్ 4లో అవకాశం లభించింది. 
 
అయితే ఈమె  ఆవేదనకు గురవుతూ చెప్పిన కొన్ని విషయాలు పెద్ద దుమారాన్నే రేపుతున్నాయి. నా స్వస్ధలం శ్రీకాకుళం జిల్లా కవిటి. నన్ను కరాటే కళ్యాణి అని పిలుస్తున్నారని... మా ఇంటి పేరు అదే అనుకుని డిసైడ్ కావద్దండి. 
 
కరాటేలో నాలుగు మెడల్స్ వచ్చాయి. అందుకే ఆ పేరు వచ్చింది నాకు. నా జీవితంలో ఎన్నో కష్టాలను ఎదుర్కొన్నాను. నాకు పెళ్ళిళ్ళు అయ్యాయి. కానీ నన్ను శారీరకంగా వాడుకున్నారు కానీ బిడ్డ మాత్రం పుట్టలేదు. ఎన్నోసార్లు కడుపు పట్టుకుని చూసుకున్నాను. కానీ బిడ్డ పుట్టే అదృష్టం లేకుండా పోయింది. 
 
అది తలుచుకుని ఎన్నోసార్లు బాధపడ్డాను. కానీ ఒకసారి మా ఇంటి పక్కన ఒక చెత్త బుట్టలో పుట్టిన బిడ్డను పడేసి వెళ్ళిపోయారు ఎవరో. అందరూ చుట్టుముట్టారు. బిడ్డను చూస్తున్నారు తప్ప ఎవరూ ఎత్తుకోలేదు. నేను ఎత్తుకున్నాను. అప్పుడే నిర్ణయించుకున్నాను. ఆ బిడ్డకు తల్లి నేనే అని.
 
ఇప్పుడు ఆ బిడ్డకు 10 యేళ్ళు. నన్ను అమ్మ అంటూ ఆప్యాయంగా పిలుస్తున్నాడు. అది చాలు నాకు. ఈ జన్మకు ఆ పిలుపు దక్కుతుందా లేదా అనుకున్నాను. కానీ ఆ అదృష్టం నాకు దక్కింది. ఎంతో సంతోషంగా ఉన్నాను. సినిమా అవకాశాలు వస్తున్నాయి. క్యారెక్టర్ ఆర్టిస్టుగా నాకు కొన్ని అవకాశాలు ఇస్తున్నారు. కాబట్టి ఆర్థికంగా ఎలాంటి ఇబ్బందులు లేదంటోంది కరాటే కళ్యాణి.