డ్రగ్స్ కేసులో బాలీవుడ్ నటుడు అర్మన్ కోహ్లీ అరెస్టు
బాలీవుడ్ చిత్రసీమను డ్రగ్స్ కేసు వెంటాడుతూనేవుంది. ఈ కేసులో ఇప్పటికే పలువురు అరెస్టు అయ్యారు. తాజాగా బాలీవుడ్ నటుడు అర్మాన కోహ్లీని ముంబై నార్కోటిక్స్ కంట్రోల్ బ్యూరో (ఎన్.సి.బి) అరెస్టు చేసింది.
డ్రగ్స్ సప్లయర్ అజయ్ రాజు సింగ్‌తో కలిసి అర్మాన కోహ్లీ పట్టుబడ్డాడు. ఆ తర్వాత అతనివద్ద పలు కోణాల్లో విచారించిన తర్వాత అరెస్టు చేశారు. ముఖ్యంగా, ఈ విచారణలో లభించిన ప్రాథమిక ఆధారాలతో అర్మాన్ కోహ్లీ ఇంటిలో కూడా ఎన్.సి.బి. అధికారులు తనిఖీలు చేశారు. ఈ తనిఖీల్లో అర్మాన్ ఇంట్లో కొకైన్ లభ్య‌మైంది.
దీంతో అర్మాన్ కోహ్లీని కూడా ముంబైలోని ఎన్‌సీబీ కార్యాలయానికి తరలించి విచారించారు. ఆదివారం ఆయ‌న‌ను అరెస్టు చేశారు. ఆ తర్వాత కోర్టు మేజిస్ట్రేట్ ఎదుట హాజరుపరచి జైలుకు తరలించారు.
కాగా, సల్మాన్‌ ఖాన్‌ నటించిన 'ప్రేమ్‌ రతన్‌ ధన్‌పాయో' సినిమాలో అర్మాన్ న‌టించి గుర్తింపు తెచ్చుకున్నాడు. అలాగే, హిందీ "బిగ్‌ బాస్‌"లోనూ అర్మాన్ కోహ్లీ పాల్గొన్నాడు. ఆయ‌న‌కు దక్షిణ అమెరికా దేశాల నుంచి డ్రగ్స్ అందిన‌ట్లు అధికారులు తేల్చారు.
