శుక్రవారం, 29 మార్చి 2024
  1. వినోదం
  2. తెలుగు సినిమా
  3. కథనాలు
Written By శ్రీ
Last Modified: శుక్రవారం, 8 మే 2020 (16:31 IST)

చైతు ఇది నిజమేనా..?

యువ సమ్రాట్ అక్కినేని నాగచైతన్య ప్రస్తుతం లవ్ స్టోరీ మూవీలో నటిస్తున్నాడు. శేఖర్ కమ్ముల దర్శకత్వంలో రూపొందుతోన్న ఈ సినిమాలో చైతు సరసన ఫిదా బ్యూటీ సాయిపల్లవి నటిస్తుంది. సమ్మర్లో ప్రేక్షకుల ముందుకు రావాల్సిన లవ్ స్టోరీ కరోనా వలన వాయిదా పడింది. ఎప్పుడు రిలీజ్ కానుంది అనేది ఇంకా క్లారిటీ లేదు.
 
ఇదిలావుంటే... ఈ సినిమా తర్వాత చైతు మనం ఫేమ్ విక్రమ్ కుమార్‌తో సినిమా చేయనున్నట్టు గత కొంత కాలంగా వార్తలు వస్తూనే ఉన్నాయి. అయితే.. అఫిషియల్‌గా ఇంకా ఎలాంటి ఎనౌన్స్‌మెంట్ రాలేదు.
 
 తాజాగా ఈ సినిమా గురించి ఓ వార్త బయటకు వచ్చింది. అది ఏంటంటే... విక్రమ్ కుమార్ 13 బి అనే సినిమాని తెరకెక్కించిన విషయం తెలిసిందే. 
 
చైతన్యతో చేసే సినిమా 13బి సినిమాకి సీక్వెల్ అని టాక్ వినిపిస్తోంది. స్ర్కిప్ట్ వర్క్ పూర్తయ్యిందని.. లాక్ డౌన్ ఎత్తేసి.. షూటింగ్ చేసుకోవడానికి పర్మిషన్ ఇస్తే.. షూటింగ్ స్టార్ చేయాలి అనుకుంటున్నారని తెలిసింది. చైతన్య - విక్రమ్ కె కుమార్ కాంబినేషన్లో రూపొందే ఈ సినిమాని శ్రీ వెంకటేశ్వర క్రియేషన్స్ బ్యానర్ పైన దిల్ రాజు నిర్మించనున్నారు.
 
గతంలో నాగచైతన్యను హీరోగా పరిచయం చేస్తూ.. జోష్ సినిమాని నిర్మించారు దిల్ రాజు. ఆ సినిమా ప్రేక్షకులును ఏమాత్రం ఆకట్టుకోలేకపోయింది. మరి.. చైతన్యతో ఈసారి చేస్తున్న సినిమాతో అయినా దిల్ రాజు విజయం సాధిస్తారని ఆశిద్దాం.