హి ఈజో సో క్యూట్... 'సరిలేరు నీకెవ్వరు' మహేష్ బాబు
సూపర్‌స్టార్‌ మహేష్ హీరోగా దిల్‌రాజు శ్రీవెంకటేశ్వర క్రియేషన్స్‌ సమర్పణలో జి.ఎం.బి. ఎంటర్‌టైన్‌మెంట్‌, ఎ.కె.ఎంటర్‌టైన్‌మెంట్స్‌ పతాకాలపై యంగ్‌ టాలెంటెడ్‌ డైరెక్టర్‌ అనిల్‌ రావిపూడి దర్శకత్వంలో రామబ్రహ్మం సుంకర నిర్మిస్తున్న అవుట్‌ అండ్‌ అవుట్‌ మాస్‌ ఎంటర్‌టైనర్‌ ’సరిలేరు నీకెవ్వరు’. రష్మిక మందన్న హీరోయిన్‌గా నటిస్తోన్న ఈ చిత్రంలో ప్రత్యేక పాత్రలో లేడీ అమితాబ్‌ విజయశాంతి నటిస్తున్నారు.
ఈ చిత్రం షూటింగ్ ఫైనల్ స్టేజ్లో ఉంది. ఇప్పటికే విడుదలైన టీజర్‌, ఫస్ట్ మాస్‌ సాంగ్, సెకండ్ మెలొడి సాంగ్ కి టెర్రిఫిక్‌ రెస్పాన్స్‌ రాగా ఈ చిత్రం నుండి అంద‌రూ ఎదురు చూస్తున్న రొమాంటిక్ సాంగ్ ` హీ ఈజ్ సో క్యూట్`ను ఈ సోమవారం సాయంత్రం 05.04 గంటలకు విడుదల చేసింది చిత్ర యూనిట్. ఈ పాటలో మహేష్ బాబును టీజ్ చేస్తుంది రష్మిక. ఈ పాట అలా రిలీజ్ చేసారో లేదో ఇప్పటికే 12 లక్షల మంది చూసారు.
ఈ చిత్రం గ్రాండ్ ప్రీరిలీజ్ ఈవెంట్ ను జనవరి 5 సాయంత్రం 5:04 నిమిషాలకు హైదరాబాద్ ఎల్‌.బి స్టేడియంలో జరపనున్నట్టు చిత్ర యూనిట్ తెలియజేసింది. సంక్రాంతి కానుక‌గా జనవరి 11, 2020న ప్రపంచ వ్యాప్తంగా ’సరిలేరు నీకెవ్వరు’ విడుదల కానున్న విషయం తెలిసిందే.
