ఏపీకి తదుపరి సీఎం ఎవరు? రఘుబాబు, విశాల్ స్పందన ఇదే

Publish: Thu, 18 Apr 2024 (11:22 IST) Updated: Thu, 18 Apr 2024 (11:24 IST)

మే 13వ తేదీన ఆంధ్రప్రదేశ్‌లో పోలింగ్ జరుగనుంది. ఏపీలో వచ్చే ఎన్నికలను దృష్టిలో ఉంచుకుని, తదుపరి సీఎం ఎవరనే దానిపై.. ఇద్దరు నటులు స్పందించారు. ఇందులో టాలీవుడ్‌తో సంబంధం ఉన్న ఒకరు, కోలీవుడ్‌తో సంబంధం ఉన్న ఒకరు ఏపీకి తదుపరి సీఎంగా ఎవరిని కోరుకుంటున్నారో వారి ఉద్దేశాలను స్పష్టం చేశారు. వీరిలో కోలీవుడ్ హీరో విశాల్ తదుపరి సీఎం జగన్ మోహన్ రెడ్డి అని జోస్యం చెప్పారు. "నాకు సీఎం జగన్ గారు బాగా తెలుసు. రెండోసారి ఆయనే మళ్లీ సీఎం అవుతారని భావిస్తున్నాను" అంటూ చెప్పారు. 

అయితే గతంలో చంద్రబాబు అరెస్టు తీరును విశాల్ గతంలో ఖండించారు. చంద్రబాబు వంటి సీనియర్ రాజనీతిజ్ఞుడు స్కామ్ కేసులో ఇంత టాష్ పద్ధతిలో అరెస్టు చేయబడితే ఏపీలో సామాన్యుడి పరిస్థితి ఏమిటని ఆందోళన చెందాడు. అయితే మళ్లీ ఇప్పుడు ఏపీకి కాబోయే సీఎంగా జగన్‌ను ఎంపిక చేశారు.

ఇక టాలీవుడ్ పర్సనాలిటీ విషయానికి వస్తే.. వైఎస్ జగన్ మోహన్ రెడ్డికి అనుకూలంగా మాట్లాడిన క్యారెక్టర్ ఆర్టిస్ట్ రఘుబాబు. జగన్ గత ఐదేళ్ల ప్రస్థానాన్ని ‘అద్భుతం’గా అభివర్ణించిన రఘుబాబు, జగన్ పాలన మరెన్నో సంవత్సరాలు కొనసాగాలని కోరుకుంటున్నానని వ్యాఖ్యానించారు. జగన్ సర్కారు పేదల అనుకూల పాలనకు నిదర్శనమని రఘుబాబు పేర్కొన్నారు. జగన్ పాలనలో కార్మికవర్గం అభివృద్ధి చెందిందన్నారు.