ఆ సినిమాకు సమంత రైట్‌ పర్సన్‌ కాదా?
సమంత గురించి ఇటీవల చాలా వార్తలు వస్తూనే వున్నాయి. అదంతా ఒక భాగమైతే, తాజాగా నిర్మాత ఎస్‌.ఆర్‌. ప్రభు ఓ ఆసక్తికర విషయం చెప్పకనే చెప్పాడు. రష్మిక మందన్న ప్రధాన పాత్రతో ‘రెయిన్‌ బో’ అనే సినిమా తీస్తున్నారు. ఈరోజు హైదరాబాద్‌లో లాంఛనంగా ప్రారంభమైంది. ఈ సినిమాకు ముందు సమంతతో సినిమా చేస్తున్నట్లు వెల్లడించారు కూడా. కానీ ఈరోజు రష్మిక ఆమె ప్లేస్‌లోకి వచ్చింది.
ఈ విషయమై ఎస్‌.ఆర్‌.ప్రభును అడిగితే మేం రైట్‌ పర్సన్‌ కోసం వెతికాం. రస్మిక లభించిందని ఫ్లోలో అనేశారు. అంటే సమంత రైట్‌ పర్సన్‌ కాదా? అనే డౌట్‌ రావచ్చు. దానికి ఆయన దాట వేస్తూ, సమంత కమిట్‌మెంట్స్‌ వల్ల కుదరలేదని అంటూ క్లారిటీ ఇచ్చాడు. ఇప్పటికే సమంత శాకుంతలం సినిమా చేసింది. ఆ తర్వాత హిందీలో మరో సినిమా చేస్తోంది. మరో వెబ్‌ సిరీస్‌ చేస్తోంది. ఇంకోపక్క ఆరోగ్య సమస్యల కారణంగా ఆచితూచి సినిమాలు చేస్తుంది. ఇన్ని కారణాల మధ్య సమంత రెయిన్‌ బో సినిమాను వదులుకుందన్నమాట.
