జబర్దస్త్ బ్యూటీ రీతూ చౌదరిని ఆటాడుకుంటున్న నెటిజన్లు!
జబర్దస్త్ బ్యూటీ రీతూ చౌదరిని నెటిజన్లు ఓ రేంజ్‌లో ఆటాడుకుంటున్నారు. ఆమెను లక్ష్యంగా చేసుకుని విపరీతంగా ట్రోల్స్ చేస్తున్నారు. దీనికి కారణం లేకపోలేదు. ఇటీవల రీతూ చౌదరి తండ్రి చనిపోయారు. ఈ సందర్భంగా ఆమె ఓ పోస్ట్ చేసింది. "నాన్న నువ్వు లేకుండా నేను ఉండలేను. నీ కూతురు వద్దకు తిరిగి రా. నువ్వు నాకు దూరం అవుతావని ఊహించలేకపోతున్నాను నాన్నా" అంటూ తీవ్ర భావోద్వేగంతో పోస్ట్ పెట్టింది. దీంతో ఆమెను ఓదార్చే పనిలో నెటిజన్లు నిమగ్నమయ్యారు. ఇంతవరకు బాగానేవుంది.
తండ్రి చనిపోయి వారం రోజులు తిరగకముందే ఈమె గ్లామర్ ఫోటోలను షేర్ చేశారు. ఈ ఫోటోలకు "కన్నె కస్తూరినంత నేనే.. వన్నె ముస్తాబు చేసుకోన.. చెలై నీకు కాశ్మీరాల చలే పంచనా" అంటూ "రామయ్య వస్తావయ్యా" అనే సినిమాలోని లిరికల్ పాటను షేర్ చేసింది. అంతే.. ఇక నెటిజన్లు ఆమెను ఆడుకోవడం మొదలుపెట్టారు. సిగ్గుమాలినదాన.. కానీస పెద్ద ఖర్మ అయ్యే వరకు కూడా ఆగలేవా.. వెంటనే మొదలెట్టేశావ్ కదే అంటూ ఘోరంగా తిట్టిపోస్తున్నారు.
