సెప్టెంబరు 7 నుంచి అమేజాన్ ప్రైమ్‌లో జైలర్ స్ట్రీమింగ్
జైలర్ సినిమా రూ.600 కోట్ల వసూళ్లతో దూసుకుపోతోంది. జైలర్ ఓటీటీ విడుదలకు ముహూర్తం ఖరారైంది. సెప్టెంబరు 7 నుంచి జైలర్ మూవీ అమెజాన్ ప్రైమ్‌లో స్ట్రీమింగ్ కానుంది.
జైలర్ చిత్రం ఎప్పుడెప్పుడు ఓటీటీలోకి వస్తుందా అని ఎదురుచూస్తున్న తలైవా అభిమానులకు, సినీ ప్రియులకు ఇది శుభవార్తే. ఈ సినిమా తెలుగు తమిళం, హిందీ, కన్నడ, మలయాళీ భాషల్లో అదే రోజు స్ట్రీమింగ్ కానుంది.
ఇక ఈ సినిమాకు అనిరుధ్ సంగీతం అందించారు. జాకీ ష్రాఫ్, శివ రాజ్‌కుమార్, నాగేంద్ర బాబు, రమ్య కృష్ణన్, సునీల్, వసంత్ రవి, యోగి బాబు కీలకపాత్రల్లో నటించారు.
ఈ సినిమాలో రజినీకాంత్ పవర్ఫుల్ రోల్‌లో కనిపించారు. సన్ పిక్చర్స్ బ్యానర్‌పై కళానిధి మారన్ గ్రాండ్ లెవెల్లో నిర్మించారు. ఇక జైలర్ కథ విషయానికి వస్తే.. టైగర్ ముత్తువేల్ పాండియన్ అనే రిటైర్డ్ జైలర్ చుట్టూ ఈ సినిమా కథ తిరుగుతుంది.
