మహేష్, బన్నీ విషయంలో తెలివిగా సమాధానం చెప్పిన కీర్తి
నేను లోకల్ సినిమాతో టాలీవుడ్లో ఎంట్రీ ఇచ్చి... తొలి సినిమాతోనే ఆకట్టుకున్న కేరళ కుట్టి కీర్తి సురేష్. అనతి కాలంలోనే తన అందం, అభినయంతో ఆకట్టుకుని స్టార్ హీరోల సరసన నటించే లక్కీ ఛాన్స్ సొంతం చేసుకుంది. అంతేకాకుండా.. అలనాటి నటి సావిత్రి జీవిత కథ ఆధారంగా రూపొందిన మహానటి సినిమాలో అద్భుతంగా నటించి శభాష్ అనిపించుకుంది.
అంతేనా... జాతీయ స్థాయిలో ఉత్తమనటి అవార్డ్ సొంతం చేసుకుంది. దీంతో ఈ అమ్మడు గురించి దేశ వ్యాప్తంగా తెలిసింది. దీంతో కీర్తితో సినిమా చేసేందుకు బడా ప్రొడ్యూసర్స్, బడా డైరెక్టర్స్, స్టార్ హీరోలు ఇంట్రస్ట్ చూపిస్తున్నారు. ప్రస్తుతం సూపర్ స్టార్ మహేష్ బాబు సరసన సర్కారు వారి పాట సినిమాలో నటిస్తుంది. జనవరి నుంచి ఈ సినిమా షూటింగ్ స్టార్ట్ కానుంది. ఇదిలా ఉంటే... ఇటీవల ఈ అమ్మడు కీర్తి సురేష్ ఓ బాలీవుడ్ వెబ్‌సైట్‌కి ఇచ్చిన ఇంటర్వ్యూలో.. చాలా తెలివిగా సమాధానం చెప్పింది.
ఇంతకీ మేటర్ ఏంటంటే... మీ లైఫ్‌ని మార్చిన సినిమా ఏంటి అని అడిగితే.. ఒకటి కాదు రెండు ఉన్నాయి. నా మొదటి చిత్రం గీతాంజలి (2013, మలయాళం). ఇంకోటి మహానటి అని చెప్పింది.
ఇక బన్నీ లేదా మహేష్ బాబు… ఈ ఇద్దరిలో ఎవరు మీకు ఫేవరైట్..? అని అడిగితే.. ఒక్కరినే ఎందుకు చూజ్ చేసుకోవాలి. నా ఓటు ఇద్దరికీ.. అంటూ చాలా తెలివిగా సమాధానం చెప్పింది. హీరోల గురించి ఒక్క మాటలో చెప్పమంటే…. మహేష్ బాబు సూపర్బ్. రజినీకాంత్ అమేజింగ్ పర్సన్. చిరంజీవి మెగాస్టార్ అంతే.. అంటూ చాలా తెలివిగా సమాధానం చెప్పింది.
