పులకిత్ సామ్రాట్‌తో డేటింగ్ చేస్తున్నా : కృతి కర్భందా (video)
మోడల్ రంగం నుంచి వెండితెరకు పరిచయమైన నటి కృతి కర్భందా. అక్కినేని ఫ్యామిలీ హీరో సుమంత్ హీరోగా వచ్చిన చిత్రం బోణి. ఈ చిత్రం ద్వారా తెలుగు వెండితెరకు పరిచయమైన ఈ మోడల్... ఆ తర్వాత పవర్ స్టార్ పవన్ కళ్యాణ్‌ నటించిన తీన్‌మాన్ చిత్రంలో నటించింది. బ్రూస్‌లీ చిత్రంలో హీరో రామ్ చరణ్‌కు చెల్లిగా నటించింది.
అయితే, అటు బాలీవుడ్, ఇటు తెలుగు, కన్నడ భాషల్లో పలువురు స్టార్ హీరోలతో న‌టించిన‌ప్ప‌టికి ఈ అమ్మ‌డికి మంచి స‌క్సెస్ రాక‌పోవ‌డంతో బాలీవుడ్‌కి చెక్కేసింది. తాజాగా 'హౌజ్‌ఫుల్‌ 4'లో కనిపించింది. ఈ చిత్రం మంచి హిట్ సాధించ‌డంతో కృతికి వ‌రుస ఆఫ‌ర్స్ వ‌స్తున్నాయి. ఈమె ప్రస్తుతం 'పాగ‌ల్ పంతీ' అనే మూవీలో నటిస్తోంది. ఇందులో పులకిత్ సామ్రాట్ ప్ర‌ధాన పాత్ర పోషిస్తున్నాడు.
అయితే పులకిత్, కృతి కొన్నాళ్ళుగా ప్రేమ‌లో ఉన్నారంటూ సోషల్ మీడియాలో విప‌రీత ప్ర‌చారం జ‌రిగింది. అది నిజ‌మ‌న్న‌ట్టు అత‌నితో చ‌క్క‌ర్లు కొట్ట‌డం, పార్టీల‌కి హాజ‌రైంది కృతి. దీంతో వారిద్దరి మ‌ధ్య రిలేష‌న్ ఉంద‌ని ఫ్యాన్స్ బ‌ల్ల‌గుద్ది చెప్పారు. తాజాగా కృతి తమ రిలేష‌న్‌షిప్‌పై నోరు విప్పింది. జాతీయ మీడియాతో మాట్లాడుతూ.. పులకిత్ సామ్రాట్‌తో డేటింగ్‌లో ఉన్నట్టు వెల్లడించింది.
"మేమిద్ద‌రం జంట‌గా సరిపోతాం కాబ‌ట్టి మా మీద పుకార్లు వ‌చ్చాయి. అయితే అవేమి పుకార్లు కాదు. నేను సామ్రాట్‌తో ప్రేమ‌లో ఉన్నాను. మేమిద్ద‌రం ఒక‌రినొక‌రు అర్థం చేసుకోవ‌డానికి కేవలం ఐదు నెల‌ల స‌మ‌య‌మే ప‌ట్టింది. త‌న‌తో మాట్లాడ‌టం నాకెంతో సౌక‌ర్య‌వంతంగా ఉంటుంది. ఆయన మీద ఉన్న న‌మ్మ‌కంతోనే నా ప్రేమ విష‌యాన్ని మీకు చెపుతున్నాను. ఇప్పుడు మ‌న‌శ్శాంతింగా ఉంది" అని చెప్పుకొచ్చింది.
