నాగ్.. దేవుడు ఇచ్చిన వరం - కొడుకు లేని లోటు తీర్చాడు : అశ్వనీదత్
ప్రముఖ నిర్మాత అశ్వనీదత్ కు ముగ్గురు కుమార్తెలు. ఇద్దరు కుమార్తెలు మాత్రమే సినిమా రంగం ద్వారా వెలుగులోకి వచ్చారు. స్వప్నా, ప్రియాంక దత్. అలాంటి కుటుంబంలో నాగ్ అశ్విన్ అనే వ్యక్తి ప్రవేశంతో రేంజ్ మారిపోయింది. ఈ విషయాన్ని అశ్వనీదత్ వెల్లడిస్తూ.. నాకు కొడుకులేని లోటు నాగ్ అశ్వనీదత్ తీర్చాడు. ఇంత మంచి అల్లుడు లభించడం దేవుడి దయ అంటూ వెల్లడించారు.
కల్కి కథ ను చెప్పినప్పుడు ఆయన విజన్ ఏమిటో నాకు అర్థమైంది. తెలుగులో ఇంతవరకు రాని విజన్ లాంటి కథతో నాగ్ చెప్పినప్పుడు నేనే ఆశ్చర్యపోయా. ఇందులో నటిస్తున్న నటీనటులు గురించి కూడా చెప్పాడు. రెండు భాగాలు వుంటాయని ముందుగానే తెలుసు. అమితాబ్ బచ్చన్ ముందుగా అనుకున్న పాత్రే. చివరి నిముషంలో కమల్ హాసన్ పాత్ర గురించి నాగ్ చెప్పాడు. దాంతో ఇంక సినిమాకు తిరుగులేదని అభిప్రాయం కలిగింది. అందుకే షూటింగ్ కూడా వెళ్ళలేదు.
ఈ సినిమా గురించి మా కుమార్తెలతో మాట్లాడుతూ.... కల్కి సినిమాకు నాగ్ చెప్పినట్లు చేయండి. బడ్జెట్ గురించి మాట్లాడవద్దు. తను ఏమి కోరుకుంటున్నాడో అది తప్పని సరిగా ఇచ్చేయండి అని నేను చెప్పేశాను. అంతలా ఆయన ఐడియాలున్నాయి. ఈ సినిమా చేసేటప్పుడే బ్లాక్ బస్టర్ అని చెప్పేశాను. వైజయంతి మూవీస్ బేనర్ పెట్టి యాభై ఏళ్ళ దాటాకా వస్తున్న వరల్డ్ మెచ్చే సినిమా అయినందుకు గర్వంగా వుందని అశ్వనీదత్ తెలిపారు.
