ట్రిపుల్ ఆర్.. గూగుల్ సెర్చ్‌ ట్రెండింగ్‌లో ఒలీవియా పేరు..

సెల్వి| Last Updated: గురువారం, 21 నవంబరు 2019 (15:32 IST)
బాహుబలి సినిమాకు తర్వాత రాజమౌళి తెరకెక్కిస్తున్న చిత్రం ట్రిపుల్ ఆర్. ఈ సినిమాలో ఎన్టీఆర్, చెర్రీ నటిస్తున్నారు. ఈ నేపథ్యంలో ఎన్టీఆర్ సరసన జెన్నీఫర్ పాత్రలో 'ఒలీవియా మోరిస్', బ్రిటీష్ స్కాట్ పాత్రలో రే స్టీవెన్‌సన్, లేడీ స్కాట్‌గా అలీసన్ డూడీ నటిస్తున్నట్టు సినీ యూనిట్ ప్రకటించింది. ఈ నేపథ్యంలో సెర్చింజన్ గూగుల్‌లో దేశవ్యాప్తంగా ఎంతోమంది నెటిజెన్స్ వీరి గురించి వెతకడం మొదలుపెట్టారు.

గతంలో వీరు చేసిన సినిమాలు.. వీరికున్న పాపులారిటీ గురించి సెర్చ్ చేస్తున్నారు. ఈ నేపథ్యంలో గూగుల్ సెర్చ్ ఇంజిన్‌లో ఒలీవియా మోరిస్ పేరు ఇండియాలో ఎక్కువసార్లు ట్రెండ్ అయింది. బుధవారం ఒక్కరోజే దాదాపు రెండు లక్షల సార్లు ఆమె పేరును గూగుల్‌లో సెర్చ్ చేశారు.

ఇదే విషయాన్ని ట్రిపుల్ ఆర్ చిత్ర బృందం ట్విట్టర్ ద్వారా వెల్లడించింది. ప్రేక్షకులు సినిమా పట్ల ఇంత క్యురియాసిటీతో ఉండటంపై హర్షం వ్యక్తం చేసింది. మొత్తం మీద హాలీవుడ్ క్యాస్టింగ్‌తో ట్రిపుల్ ఆర్‌కు కావలసిన పబ్లిసిటీ తీసుకొస్తున్నాడు జక్కన్న. తప్పకుండా ట్రిపుల్ ఆర్ సినిమాతో అంతర్జాతీయ సినీ ప్రపంచానికి తన దర్శకత్వ నైపుణ్యాన్ని తెలియజేస్తాడని సినీ పండితులు అంటున్నారు.



దీనిపై మరింత చదవండి :