చేతినిండా సినిమాలతో రష్మిక మందన్నా

కుమార్| Last Updated: శనివారం, 25 మే 2019 (11:49 IST)
"ఛలో, గీత గోవిందం" సినిమాలు హిట్ కావడంతో రష్మిక మందన్నా కెరీర్ బిజీ బిజీ అయిపోయింది. ప్రస్తుతం రష్మిక చేతి నిండుగా సినిమాలతో బిజీగా ఉంది. రష్మిక తమిళ హీరో కార్తీతో ఓ సినిమా చేస్తున్న సంగతి తెలిసిందే. అయితే ఈ సినిమా సెట్స్ మీద ఉండగానే మరో భారీ ప్రాజెక్ట్‌కు రష్మిక గ్రీన్ సిగ్నల్ ఇచ్చినట్లు తెలుస్తోంది.

సినీ వర్గాల సమాచారం ప్రకారం తమిళ స్టార్ హీరో విజయ్ కొత్త దర్శకుడు లోకేష్ కాంబినేషన్‌లో ఓ ప్రతిష్టాత్మక చిత్రం తెరకెక్కనుంది. ఈ సినిమాలో హీరోయిన్‌గా రష్మిక‌ను ఎంపిక చేసినట్లు సమాచారం. అయితే రష్మిక కానీ, విజయ్ కానీ ఇంకా దీనిపై అధికారిక ప్రకటన చేయలేదు.

మరోవైపు విజయ్ దేవరకొండ సరసన రష్మిక నటించిన ‘డియర్ కామ్రేడ్’ సినిమా జూలై 26న ప్రేక్షకుల ముందుకు రానుంది. ఇవే కాకుండా రష్మిక మరి కొందరు అగ్ర హీరోలతో స్క్రీన్ పంచుకునే ఛాన్స్ కొట్టేసినట్లు కూడా సమాచారం.



దీనిపై మరింత చదవండి :