ట్విట్టర్‌కి బై చెప్పేసిన రేణూ దేశాయ్... కొత్త జీవితంలో ఇవి అవసరమా అంటూ...
రేణూ దేశాయ్ సోషల్ నెట్వర్కింగ్ సైట్లలో ఎంతో యాక్టివ్‌గా వుంటారు. ఐతే తను రెండో పెళ్లికి సిద్ధమై నిశ్చితార్థం చేసుకున్న దగ్గర్నుంచి ఆమె ట్విట్టర్ ఖాతాకి విపరీతంగా స్పందనలు రావడం మొదలైంది. వీరిలో కొంతమంది ఆమె తీసుకున్న నిర్ణయాన్ని సమర్థించగా మరికొందరు
రేణూ దేశాయ్ సోషల్ నెట్వర్కింగ్ సైట్లలో ఎంతో యాక్టివ్‌గా వుంటారు. ఐతే తను రెండో పెళ్లికి సిద్ధమై నిశ్చితార్థం చేసుకున్న దగ్గర్నుంచి ఆమె ట్విట్టర్ ఖాతాకి విపరీతంగా స్పందనలు రావడం మొదలైంది. వీరిలో కొంతమంది ఆమె తీసుకున్న నిర్ణయాన్ని సమర్థించగా మరికొందరు వ్యతిరేకిస్తూ రాశారు. మంగళవారం ఉదయం పవన్ కళ్యాణ్ ట్విట్టర్లో రేణూ దేశాయ్ గారు కొత్త జీవితంలో అడుగుపెడుతున్న సందర్భంగా సంతోషంగా వుండాలంటూ ట్వీట్ చేశారు.
ఇదిలా సాగుతుండగానే పవన్ అభిమానుల పేరుతో ఆమెను ట్రోల్ చేసేవారు ఎక్కువయ్యారు. దీంతో రేణూ దేశాయ్ తన ట్విట్టర్ ఖాతాను మూసేయాలని నిర్ణయం తీసుకున్నారు. ఈ సందర్భంగా ఆమె ట్విట్టర్లో పేర్కొంటూ... ఇక్కడ ప్రతికూల భావ‌న‌లు నిండి ఉన్నాయ‌నిపిస్తోంది. ఇలాంటివారంతా సినిమా వాళ్ల గురించి, రాజ‌కీయ నాయ‌కుల గురించి త‌ప్పుగా రాయడమే పనిగా పెట్టుకుంటున్నారు. ప్రస్తుతం నేను కొత్త జీవితంలోకి అడుగుపెడుతున్న శుభసందర్భంలో ఇవన్నీ చూడాల్సిన అగత్యం వుందనుకోవడంలేదు. వీటికి దూరంగా వుండాలనుకుంటున్నా. నా మంచి కోరుతూ వెన్నుదన్నుగా నిలిచినవారికి కృతజ్ఞతలు" అని ట్వీట్ చేసిన కొద్దిసేపటికే ట్విట్టర్ ఖాతాను క్లోజ్ చేసేశారు.
