శుక్రవారం, 29 మార్చి 2024
  1. వినోదం
  2. తెలుగు సినిమా
  3. కథనాలు
Written By ప్రీతి
Last Updated : శుక్రవారం, 15 మార్చి 2019 (11:04 IST)

ఒక్క సినిమాతోనే అంత క్రేజా.. మోస్ట్ డిజైరబుల్ సెలబ్రిటీగా 19వ స్థానం

"గీత గోవిందం" సినిమా టైమ్‌లో రిలీజై, దానితో పోటీ పడి మంచి హిట్ సాధించిన మరో చిత్రం "ఆర్ఎక్స్ 100". రెండు చిత్రాలలో కథా కథనాలు పూర్తి భిన్నంగా ఉన్నప్పటికీ ప్రేక్షకులు ముఖ్యంగా యూత్ నుండి మంచి ఆదరణ లభించింది. అప్పటికే 'అర్జున్ రెడ్డి' సినిమా హిట్‌తో క్రేజీ హీరోగా మారిన విజయ్ దేవరకొండ 'గీత గోవిందం' సినిమాకు ప్లస్ అవ్వగా కొత్త హీరోగా 'ఆర్ఎక్స్' సినిమాతో తెలుగు తెరకు పరిచయమయ్యాడు కార్తీకేయ గుమ్మకొండ. 
 
మంచి ఫిజిక్‌తో, పెర్ఫామెన్స్‌తో ప్రేక్షకులను మెప్పించిన కార్తికేయ ఓవర్‌నైట్ స్టార్‌గా మారిపోయాడు. ఇప్పుడు మరొక అరుదైన ఘనతను స్వంతం చేసుకుని సినీ వర్గాల చర్చలలో నిలిచాడు. హైదరాబాద్ టైమ్స్ నిర్వహించిన 2018 మోస్ట్ డిజైరబుల్ సెలబ్రిటీ క్యాటగిరీలో కార్తికేయ 19వ స్థానాన్ని దక్కించుకుని అందరినీ ఆశ్చర్యంలో ముంచెత్తాడు. 
 
వరంగల్‌కు చెందిన ఈ కుర్రాడు చేసింది ఒకే సినిమా అయిన తన బోల్డ్ పెర్ఫామెన్స్‌తో ప్రేక్షకుల మనసు దోచుకొన్నాడని హైదరాబాద్ టైమ్స్ నిర్వాహకులు వెల్లడించారు. ఇప్పుడు రెండో చిత్రం 'హిప్పీ‌'లో యాక్షన్ రోల్‌లో మన ముందుకు రాబోతున్నాడు.