అగ్రహీరో 20 సిగరెట్లు కాల్పించిన అర్జున్ రెడ్డి
టాలీవుడ్‌లో సంచలనం సృష్టించి, విజయ్ దేవరకొండని ఓవర్‌నైట్ స్టార్‌ని చేసేసిన "అర్జున్ రెడ్డి". "కబీర్ సింగ్" పేరిట రీమేక్ అవుతున్న సంగతి తెలిసిందే. ఇందులో హీరోగా నటిస్తున్న బాలీవుడ్ హీరో షాహిద్ కపూర్ మద్యం తాగుతూ, సిగరెట్లు కాలుస్తూ కనిపిస్తున్న టీజర్ విడుదల కావడంతో ఈ సినిమాపై అంచనాలు అమాంతంగా పెరిగిపోయాయి.
కాగా, షాషిద్ కపూర్ దీనిపై మీడియాకు కొన్ని ఆసక్తికర విషయాలు వెల్లడించాడు. ఈ పాత్ర పోషించేందుకు తాను రోజుకు 20 సిగరెట్లు, బీడీలు కాలుస్తూ వచ్చాననీ... కాగా ఈ పాత్రలో కోపంగా కనిపించవలసి ఉండడంతో... ఈ పాత్రధారి స్మోక్ చేయాల్సివచ్చిందట.
కాగా షాహిద్ షూటింగ్ పూర్తికాగానే ఇంటికి వెళ్లేముందు తాను నార్మల్‌గా మారేందుకు సిగరెట్ వాసన పోయేందుకు ప్రయత్నించేవాడట. కాగా చాలాకాలం తరువాత షాహిద్‌కు ఇటువంటి పాత్ర లభించింది. జూన్ 21న విడుదల కానున్న ఈ సినిమా కోసం షాహిద్‌కపూర్ 14 కిలోల బరువు తగ్గాడు. కాగా 16 ఏళ్ల తరువాత షాహిద్ కపూర్ కాలేజ్ స్టూడెంట్ పాత్ర పోషిస్తున్నాడు.
