సోనూసూద్ పుట్టిన రోజు.. కుప్పంలో రియల్ హీరోకి చిన్నారుల సెల్యూట్ (వీడియో)
తన విలక్షణ నటనతో ప్రేక్షకులను మెప్పించే సోనూసూద్ గురించి ప్రేక్షకులకు ప్రత్యేకంగా చెప్పాల్సిన అవసరం. కరోనా సమయంలో ప్రజలకు ఆపద్భాంధవుడిగా నిలిచిన సోనూ సూద్ సినిమాల్లోనే కాదు రియల్ లైఫ్‌లో సేవాకార్యక్రమాలతో ప్రేక్షకుల చేత దేవుడు అనిపించుకుంటున్నాడు. నేడు సోను పుట్టిన రోజు. ఈ సందర్భంగా దేశ వ్యాప్తంగా అభిమానులు ఆయనకు పుట్టిన రోజు శుభాకాంక్షలు అందజేస్తున్నారు.
ఈ సందర్భంగా సినీ ప్రముఖులు, అభిమానులే కాదు రాజకీయ నేతలు , పలు రాష్ట్రాల ముఖ్యమంత్రులు ఆయనకు బెస్ట్ విషెష్ అందిస్తున్నారు. ఈ తరుణంలో ఏపీ సీఎం చంద్రబాబు ఆయనకు ట్విటర్లో విషెస్ తెలిపారు.
"నువ్వు ఒకరికి సహయం చేస్తే వారి నుంచి వచ్చే దివేనలు నీకు ఇంకా సంతోషాన్ని ఇస్తాయని" అమ్మ మాటలే స్ఫూర్తిగా సామాజిక కార్యక్రమాలు చేసుకుంటూ పోతున్న సోనూసూద్‌కు పుట్టిన రోజు సందర్భంగా చిన్నారులు అద్భుతమైన కానుక ఇచ్చారు.
ఈ గిఫ్టుకు సంబంధించిన వీడియో నెట్టింట వైరల్ అవుతోంది. ఆ వీడియోలో ఏముందంటే.. సినీ నటుడు, రియల్ హీరో సోనూసూద్ పుట్టిన రోజు సందర్భంగా నేలపై భారీ ఆకారాన్ని ఏర్పాటు చేశారు. కుప్పంలోని హాకింగ్ ఇంటర్నేషనల్ స్కూల్‌కు చెందిన 1200 విద్యార్థులు సోనూసూద్ ఆకారాన్ని నేలపై అద్భుతంగా మలచడంలో పాల్గొన్నారు.
ఇకపోతే.. 1999లో సోనూసూద్ "కల్లగర్" సినిమాతో సినిమాల్లోకి ఎంట్రీ ఇచ్చారు. ఆ తర్వాత చాలా సినిమాల్లో నటించాడు. 2009లో విడుదలైన ‘అరుంధతి’ సినిమా ఆయన క్రేజ్ ను పెంచేసింది. ఈ సినిమాలో పశుపతి అనే విలన్‌ పాత్రలో నటించి మెప్పించాడు. తెలుగులో ఎన్నో వైవిధ్యమైన పాత్రల్లో నటించాడు సోనూ సూద్.
