శుక్రవారం, 29 మార్చి 2024
  1. వినోదం
  2. తెలుగు సినిమా
  3. కథనాలు
Written By వరుణ్
Last Updated : బుధవారం, 16 నవంబరు 2022 (11:13 IST)

కూడబలుక్కుని వెళ్లిపోయారేమే.. కృష్ణంరాజు భార్య

Shyamala Devi
దివంగత నటుడు కృష్ణంరాజు భార్య శ్యామలదేవి హీరో కృష్ణ మృతిపై స్పందించారు. తన భర్త కృష్ణంరాజు, కృష్ణగారు మంచి స్నేహితులని చెప్పారు. ఇటీవలే తన భర్త కృష్ణంరాజును కోల్పోయిన శ్యామలా దేవి, కృష్ణ పార్థివదేహానికి ఘనంగా నివాళులు అర్పించారు. ఈ సందర్భంగా ఆమె తీవ్ర భావోద్వేగానికి లైన కన్నీటి పర్యంతమయ్యారు. 
 
ఈ పరిస్థితుల్లో ఏం మాట్లాడో నాకు తెలియడం లేదన్నారు. తెలుగు సినిమా పరిశ్రమకు వారు మూల స్తంభాల్లా ఉన్నారన్నారు. వారిద్దరూ కలిసి మాట్లాడుకుని ఒకేసారి వెళ్లిపోయినట్టుగా ఉన్నారన్నారు. వారు లేరన్న భావనతో కాకుండా, మన మధ్యే జీవిస్తున్నారని భావించాలన్నారు. వారిద్దరు అమరజీవులన్నారు. 
 
వరుసగా అన్న, తల్లి, తండ్రిని కోల్పోయి కొండత బాధలో ఉన్న హీరో మహేష్ బాబు ధైర్యంతో ఇక అన్నీ తానై చేయాలని కుటుంబ పెద్దగా ఉండాలని ఆమె కోరారు. మనమంతా కృష్ణ, కృష్ణంరాజు జ్ఞాపకాలతో మనం జీవిద్దామని ఆమె కోరారు.