గురువారం, 18 జులై 2024
  1. వినోదం
  2. తెలుగు సినిమా
  3. కథనాలు
Written By వరుణ్
Last Updated : సోమవారం, 16 అక్టోబరు 2023 (12:32 IST)

హీరోయిన్ ఊర్వశి రౌతలాకు చేదు అనుభవం.. బంగారం లాంటి ఫోన్ పోయింది!

Urvashi Rautela
ఐసీసీ వన్డే ప్రపంచ కప్ టోర్నీలో భాగంగా, ఈ నెల 14వ తేదీన అహ్మదాబాద్‌లోని నరేంద్ర మోడీ స్టేడియం వేదికగా భారత్, పాకిస్థాన్ జట్ల మధ్య కీలక పోరు జరిగింది. ఈ మ్యాచ్‌లో భారత్ ఘన విజయం సాధించింది. దీంతో భారత క్రికెట్ అభిమానుల ఆనందానికి అవధుల్లేకుండా పోయాయి. అయితే, బాలీవుడ్ నటి ఊర్వశి రౌతలాకు మాత్రం చేదు అనుభవం ఎదురైంది. తన గోల్డ్ ఐఫోన్‌ను పోగొట్టుకున్నారు. మ్యాచ్ వీక్షణలో మునిగిపోయిన ఊర్వశి అత్యంత ఖరీదైన ఐ ఫోన్‌ను మిస్ చేసుకున్నారు. 
 
ఈ విషయాన్ని ఆమె ఇన్‌స్టాగ్రామ్ ఖాతా ద్వారా వెల్లడించారు. తాను పోగొట్టుకున్న ఐ ఫోన్ అలాంటి ఇలాంటిది కాదని అది 24 క్యారెట్ల బంగారం తాపడం చేసిన ఫోన్ అని చెప్పుకొచ్చింది. అది ఎవరికైనా దొరికితే ఇవ్వాలని వేడుకున్నారు. ఈ పోస్టుకు పోలీసులు, స్టేడియం అధికారుల ఎక్స్ ఖాతాలను ట్యాగ్ చేశారు. ఆమె పోస్టును చూసిన నెటిజన్లు ఒక్కొక్కరు ఒక్కో విధంగా స్పందిస్తున్నారు. 
 
ఇది పబ్లిసిటీ స్టంట్ అని కొందరు అంటే.. మరికొందరు మాత్రం ఆ ఫోన్ దొరికిన వ్యక్తి అదృష్టవంతుడు అంటు కామెంట్స్ చేస్తున్నారు. బంగారం లాంటి ఫోన్ దొరికితే ఎవరైనా తిరిగిస్తారా అని ఇంకొందరు అంటున్నారు. కాగా, తెలుగు సినిమాల్లో పలు ప్రత్యేక గీతాల్లో ఆలరించిన ఊర్వశి రౌతలా.. ఇటీవల మెగాస్టార్ చిరంజీవి నటించిన "వాల్తేరు వీరయ్య" చిత్రంలో బాస్ పార్టీ పాటలో తళుక్కున మెరిసిన విషయం తెల్సిందే. అలాగే ఇటీవల హీరో రామ్ నటించిన "స్కంద" మూవీలోనూ ఆమె నటించారు.