ఆదివారం, 25 ఫిబ్రవరి 2024
  1. వినోదం
  2. తెలుగు సినిమా
  3. కథనాలు
Written By ఠాగూర్
Last Updated : ఆదివారం, 19 జూన్ 2022 (11:19 IST)

'బాహుబలి' రికార్డును బ్రేక్ చేసిన 'విక్రమ్'.. అదీ కూడా 15 రోజుల్లోనే..

vikram
విశ్వనటుడు కమల్ హాసన్ నటించిన తాజా చిత్రం "విక్రమ్". ఇది ఐదేళ్ల క్రితం ప్రభాస్ నటించిన "బాహుబలి-2" చిత్ర రికార్డును బ్రేక్ చేసింది. అదీకూడా కేవలం 15 రోజుల్లోనే బద్ధలుకొట్టింది. ఫలితంగా తమిళంలో ఇండస్ట్రీ హిట్‌గా నిలిచింది. అంతేకాకుండా, తమిళంలో రూ.150 కోట్ల క్లబ్‌లో చేరిన తొలి తమిళ సినిమాగా సరికొత్త రికార్డును సృష్టించింది. 
 
జూన్ 3వ తేదీన ఈ చిత్రం విడుదలైంది. ఆ తర్వాత పోటీగా పలు చిత్రాలు వచ్చినప్పటికీ 'విక్రమ్' దూకుడును అడ్డుకోలేకపోయాయి. ఫలితంగా ఇప్పటికీ అనేక థియేటర్లలో హౌస్‌ఫుల్ కలెక్షన్లతో ప్రదర్శిస్తున్నారు. అదేవిధంగా తెలుగులో కూడా హీరో నితిన్ హోం బ్యానర్ శ్రేష్ట్ మూవీస్ సంస్థ విడుదల చేసింది. 'విక్రమ్‌'కు రూ.7.48 కోట్ల థియేట్రికల్ బిజినెస్ జరుగగా, 15 రోజుల్లో ఈ చిత్రం రూ.14.71 కోట్ల షేర్‌ను సాధించి బ్లాక్‌బస్టర్‌హిట్‌గా నిలిచింది. 
 
కమల్ హాసన్ నాలుగేళ్ళ విరామం తర్వాత నటించిన ఈ చిత్రంలో మలయాళ నటుడు ఫహద్ ఫాజిల్, విజయ్ సేతుపతి కీలక పాత్రల్లో నటించగా, హీరో సూర్య రోలెక్స్ పాత్రలో చివరి 5 నిమిషాల్లో మెరిశాడు. సూర్య పాత్ర ఈ సినిమాకు హైలెట్‌గా నిలిచింది. అనిరుధ్ రవిచంద్రన్ సంగీతం సమకూర్చగా, రాజ్‌కమల్ ఫిల్మ్ ఇంటర్నేషనల్ సంస్థ నిర్మించింది.