శుక్రవారం, 29 మార్చి 2024
  1. వినోదం
  2. తెలుగు సినిమా
  3. కథనాలు
Written By శ్రీ
Last Modified: గురువారం, 22 అక్టోబరు 2020 (22:56 IST)

టక టకా... టక్ జగదీష్ షూటింగ్

నేచురల్ స్టార్ నాని హీరోగా శివ నిర్వాణ దర్శకత్వంలో రూపొందుతోన్న చిత్రం ''టక్ జగదీష్'' చిత్రంపై అనేక రూమర్లు సోషల్ మీడియాలో చక్కర్లు కొడుతున్నాయి. ఒకసారి ప్రాజెక్టు ఆగిపోయిందంటే ఆగిపోయిందని, మరోసారి బడ్జెట్ తగ్గించారని వస్తున్న రూమర్లకు చెక్ పెడుతూ ఏకకంగా ఆ సినిమా దర్శకుడు శివ నిర్వాణ ట్విట్టర్లో 'అన్‌స్టాపబుల్.. #టక్ జగదీష్ సెట్స్‌లో 38వ రోజు'' అంటూ ట్వీట్ చేస్తూ ఓ వీడియో రిలీజ్ చేశాడు.
 
పూర్తి స్థాయి కోవిడ్ నిబంధనలు పాటిస్తూ శరవేగంగా ఈ సినిమా షూటింగ్ జరుపుకుంటుందని ఆ వీడియో చెప్పకనే చెబుతోంది. అంతకుముందు కోవిడ్ ప్రభావంతో గత కొన్ని మాసాలుగా నిలిచిపోయిన ఈ సినిమా షూటింగ్ ఇటీవలే తిరిగి హైదరాబాద్ లో ప్రారంభమైన సంగతి వెబినర్లకు తెలిసిందే. యూనిట్ లోని ఓ టెక్నీషియన్‌కి కోవిడ్ పాజిటివ్ అని తేలడంతో ముందస్తు జాగ్రత్తగా సినిమా షూటింగ్ ఆపేశారని.. ప్రస్తుతం టీమ్ మొత్తం హోమ్ ఐసోలేషన్లో ఉందని వార్తలు వచ్చిన సంగతి కూడా తెలిసిందే.
 
రొమాంటిక్ అండ్ ఫ్యామిలీ ఎంటర్టైనర్‌గా తెరకెక్కుతున్న ఈ సినిమాలో రీతూ వర్మ - ఐశ్వర్య రాజేష్ హీరోయిన్లుగా నాని హీరోగా నటిస్తున్న టక్ జగదీష్ పైన అంచనాలు బాగానే ఉన్నాయి. నాని కెరీర్లో 26వ చిత్రంగా వస్తున్న 'టక్ జగదీష్' చిత్రం షైన్ స్క్రీన్స్ బ్యానర్ పైన సాహు గారపాటి మరియు హరీశ్ పెద్ది సంయుక్తంగా నిర్మిస్తున్నారు.