ట్రెండింగ్‌లో ఫాదర్స్ డే ఫోటో.. కుమార్తెకు సెల్యూట్ చేసిన తండ్రి
ఫాదర్స్ డే సందర్భంగా తెలంగాణ అధికారి ఐఏఎస్ కుమార్తెకు సెల్యూట్‌తో శుభాకాంక్షలు తెలిపిన ఫోటోలు ప్రస్తుతం వైరల్ అవుతున్నాయి. తెలంగాణ పోలీస్ అధికారి ఎన్ వెంకటేశ్వర్లు తన కుమార్తెకు సెల్యూట్ చేస్తూ పుష్పగుచ్ఛంతో స్వాగతం పలికారు. ఈ సందర్భంగా ఇద్దరూ చిరునవ్వులతో పలకరించుకున్నారు. ఇందుకు సంబంధించిన ఫోటోలు ప్రస్తుతం నెట్టింట వైరల్ అవుతున్నాయి.
వివరాల్లోకి వెళితే.. శిక్షణ కార్యక్రమంలో భాగంగా అకాడమీకి వచ్చిన ప్రొబేషనరీ ఐఏఎస్ అధికారిణి అయిన ఆయన కుమార్తె ఎన్ ఉమా హారతికి తెలంగాణ రాష్ట్ర పబ్లిక్ సర్వీస్ అకాడమీ (టీఎస్ పీఏ) డిప్యూటీ డైరెక్టర్ ఎన్ వెంకటేశ్వర్లు స్వాగతం పలికారు.
వెంకటేశ్వర్లు తన కుమార్తెకు సెల్యూట్‌తో పాటు పుష్పగుచ్ఛంతో స్వాగతం పలికారు. ఆపై తండ్రీకూతుళ్లు తమ తోటి అధికారులతో కలిసి శిక్షణా కార్యక్రమంలో పాల్గొన్నారు. ఇందుకు సంబంధించిన ఫోటోలు.. ఫాదర్స్ డే ముగిసి వారం రోజులైనా నెట్టింట వైరల్ అవుతున్నాయి.
