జనజీవనంలోకి మొసలి.. వీడియో వైరల్

Publish: Tue, 16 Aug 2022 (12:55 IST) Updated: Tue, 16 Aug 2022 (12:59 IST)

Crocodile

భారీ వర్షాల కారణంగా జనజీవనంలోకి నీటి జంతువులు ప్రవేశిస్తున్నాయి. తాజాగా భారీ వర్షాలతో మధ్యప్రదేశ్‌లోని ఓ కాలనీలోకి మొసలి ప్రవేశించింది. అయితే ఆ మొసలిని రక్షించి సమీపంలోని సరస్సులో వదిలిపెట్టేశారు. 

వివరాల్లోకి వెళితే.. శివపురి జిల్లాకు చెందిన నల్లా సరస్సు వరద నీటితో మునిగింది. దీంతో మొసలి కాలనీలోకి ప్రవేశించింది. నీటిలో అలా తేలుతూ కనిపించడంతో జనం భయంతో వణికిపోయారు. 

అయితే అటవీ శాఖా అధికారులు ఆ మొసలిని పట్టుకున్నారు. చెరువులో వదిలిపెట్టారు. ఈ ఘటనకు సంబంధించిన ఫోటోలు నెట్టింట వైరల్ అవుతున్నాయి.

నేషనల్ పార్క్ నుండి రెస్క్యూ టీమ్ రంగంలోకి దిగి, గంటపాటు పోరాడి మొసలిని కాపాడారు. ఆపై ఎనిమిది అడుగుల ఆ మొసలిని నేషనల్ పార్క్ ఆవరణలో ఉన్న లేక్‌లో వదిలేశారు. 

Crocodile

కాగా మధ్యప్రదేశ్‌లోని పలు జిల్లాల్లో భారీ వర్షాలు కురుస్తున్నాయి. రానున్న 24 గంటల్లో జబల్‌పూర్, భోపాల్, నర్మదాపురం డివిజన్లలో అలర్ట్ ప్రకటించారు.