కిడ్నీలో రాళ్లను పోగొట్టే.. అరటిదూట రసం ఎలా చేయాలి?
కిడ్నీలో రాళ్లున్నాయని వైద్యులు చెప్తే రోజూ అరటిదూట రసం తాగాల్సిందే అంటున్నారు.. ఆయుర్వేద నిపుణులు.
కిడ్నీలో రాళ్లున్నాయని వైద్యులు చెప్తే రోజూ అరటిదూట రసం తాగాల్సిందే అంటున్నారు.. ఆయుర్వేద నిపుణులు. అలాగే కిడ్నీలో రాళ్లు చేరకుండా వుండాలంటే, వారానికి ఓసారి అరటిదూటను డైట్‌లో చేర్చుకోవాలి. అరటిదూట రసాన్ని ఎలా చేయాలో చూద్దాం..
కావలసిన పదార్థాలు
అరటిదూట ముక్కలు- ఒక కప్పు
అల్లం పేస్ట్ - పావు స్పూన్
కొత్తిమీర తరుగు - ఒక స్పూన్
పెరుగు- పావుకప్పు
ఉప్పు- చిటికెడు
తయారీ విధానం..
ముందుగా అరటిదూట ముక్కలు, పెరుగు, ఉప్పు, కొత్తిమీర తరుగు, అల్లం పేస్టు మిక్సీలా బాగా పట్టించి.. వడకట్టుకోవాలి. ఈ రసాన్ని సర్వింగ్ బౌల్‌లోకి తీసుకుని ఉదయం పరగడుపున తీసుకుంటే కిడ్నీలో రాళ్ల సమస్య తొలగిపోతుంది. ఈ రసం తాగితే శరీరానికి కావలసిన పీచు పుష్కలంగా లభిస్తుందని ఆయుర్వేద నిపుణులు సూచిస్తున్నారు.
